E.Bóketov atyndaǵy QarÝ-ǵa zertteý ýnıversıteti mártebesi berildi

«Akademık E.A.Bóketov atyndaǵy Qaraǵandy ýnıversıteti» kommersııalyq emes aksıonerlik qoǵamyna zertteý ýnıversıteti mártebesi berilsin», delingen qujatta.

Damý baǵdarlamasynyń qundylyqtary:

1) Jańa kásipter atlasyn eskere otyryp, el ekonomıkasynyń ınnovasııalyq salalary úshin kadrlar daıarlaý;

2) jańa bilim men ınnovasııalardy generasııalaý;

3) memleket pen qoǵamǵa qyzmet etý úshin básekege qabiletti tulǵany damytý;

4) magıstratýra jáne doktorantýra deńgeıinde joǵary jáne (nemese) joǵary oqý ornynan keıingi bilimniń halyqaralyq standarttaryna sáıkes zertteý quzyretteriniń jıyntyǵyn meńgergen jas ǵalymdardy daıarlaý;

5) «jasyl» ekonomıka jaǵdaıynda ekonomıkalyq sektorlardy ınnovasııalyq jańǵyrtý salasynda ǵylymı zertteýler júrgizý, addıtıvti óndiristi engizý, óndiristi baqylaý jáne basqarý júıelerin ońtaılandyrý, QarÝ OPQ-nyń, stýdentteriniń, magıstranttarynyń, doktoranttarynyń, sharýashylyq júrgizýshi sýbektiler ókilderiniń qatysýymen kópfýnksıonaldy mańyzy bar jańa materıaldar jasaý jáne ázirleý;

6) ınnovasııalyq jańǵyrtý jáne «jasyl» tehnologııalar salasyndaǵy sharýashylyq júrgizýshi sýbektilerge marketıngtik jáne ınjınırıngtik qyzmetter kórsetý;

7) QarÝ-da ornyqty damý qaǵıdattaryna sáıkes keletin korporatıvtik saıasatty engizýge baǵyttalǵan túbegeıli jańa qurylymdar-ortalyqtar qurýǵa alyp keletin ınstıtýsıonaldyq jáne qoǵamdyq ózgerister júrgizý;

8) jetekshi sheteldik zertteýshilerdi tarta otyryp, halyqaralyq konsorsıýmdardy uıymdastyrý úshin jaǵdaılar júrgizý.

Sondaı-aq aldaǵy bes jylǵa arnalǵan ýnıversıtetti damytý baǵdarlamasy bekitildi, onyń mindetterine:

• joǵary jáne joǵary oqý ornynan keıingi bilim berýdiń barlyq deńgeılerinde ǵylymı qyzmet pen bilim berý prosesin ıntegrasııalaý;
• sapaly bilim berýdiń teńdigi men qoljetimdiligin qamtamasyz etý, talantty jastardy tartý;
• eldiń zııatkerlik áleýetin arttyrýǵa, Qazaqstannyń ǵylymı mektepteriniń halyqaralyq bedelin arttyrýǵa múmkindik beretin irgeli jáne qoldanbaly ǵylym salasyndaǵy jobalardy iske asyrý;
• Atalǵan JOO ǵalymdarynyń qoldanbaly zertteýleriniń nátıjelerin patentterdi, lısenzııalardy satý, startap-jobalardy ázirleý túrinde óńir ekonomıkasyna engizý;
• «Akademık E.A.Bóketov atyndaǵy Qaraǵandy ýnıversıteti» kommersııalyq emes aksıonerlik qoǵamynyń qoǵamdy damytýǵa qosqan úlesin ulǵaıtý.

Damý baǵdarlamasynyń paıymy: klassıkalyq zertteý ýnıversıteti – joǵary tehnologııalyq ǵylymı zertteýler jáne akademııalyq artyqshylyq ortalyǵy.

Damý baǵdarlamasynyń mıssııasy: QarÝ serpindi ǵylymı zertteýler men bilim berý ınnovasııalary arqyly óńir men eldiń joǵary tehnologııalyq damýyna yqpal etedi.

Damý baǵdarlamasyn iske asyrýdyń tikeleı nátıjesi - kásiporyndardy ınnovasııalyq jańǵyrtý, qazirgi zamanǵy tehnologııalardy qurý, joǵary bilikti kadrlar daıarlaý arqyly álemdik úrdister men trendterdi eskere otyryp, respýblıka men óńir ekonomıkasynyń negizgi salalaryn damytý.

Qaýly qol qoıylǵan kúninen bastap qoldanysqa engiziledi.

Tolyq aqparat QR quqyqtyq aktileriniń aqparattyq-quqyqtyq júıesinde jarııalandy.