Foto: Massaget.kz
«Elimizdiń birqatar óńirinde tabıǵı apat oryn alǵan sátten beri meniń atyma dostas memleketterdiń basshylarynan jyly lebizderi men kómek kórsetý jóninde usynystary jazylǵan hattar kelip túsip jatyr. Qazaqstan joıqyn sý tasqyny kezinde járdem berýge daıyn ekenin bildirgeni úshin dostas elderge shyn júrekten alǵys aıtady.
Meniń tapsyrmam boıynsha Premer-mınıstr bastaǵan respýblıkalyq shtab tótenshe jaǵdaıdyń saldaryn barynsha azaıtý úshin pármendi sharalar qabyldap jatyr. Zardap shekken barlyq azamatqa qajetti kómek kórsetilip jatyr. Olardyń búkil shyǵyndary óteledi. Birde-bir adam nazardan tys qalmaıtynyn jýyrda otandastaryma arnalǵan úndeýimde aıttym. Apatqa qarsy kúres jalǵasyp jatyr.
Qıyn-qystaý kezde halqymyz ózin taǵy da eń jaqsy qyrynan tanytyp, birlik pen tózimdiliktiń úlgisin kórsetkeni qýantady. Qazaqstan azamattaryna shyn júrekten alǵys aıtamyn», dep jazylǵan Memleket basshysynyń Instagram paraqshasynda.
