- Frıstaıldan Italııanyń Keza-ın-Valmalenko qalasynda ótken álem birinshiliginde Anastasııa Gorodko jeke mogýldan altynnan alsa, paralleldi mogýlda kúmispen kúpteldi. Básekeniń ekinshi túrinde ol amerıkalyq Kaılı Karıotısten ǵana qalyp qoıdy.
- Sporttyq gımnastıkadan Horvatııanyń Osıek qalasynda uıymdastyrylǵan Challenge Cup týrnırinde Ilııas Ázızov qola júldege qol jetkizdi. Erkin jattyǵýda ol kúmis medaldy moınyna ilse, «at» jattyǵýynda aldyna jan salmady.
- Kórkem gımnastıkadan Bolgarııada jalaýy jelbiregen Sofia Cup halyqaralyq týrnırinde Erıka Jaılaýova kópsaıysty qola medalmen qorytyndylady. Daryndy sportshymyz tek jergilikti gımnasshylar Borıana Koleın men Elvıra Krasnoboevaǵa ǵana ese jiberdi. Taǵy bir qazaq qyzy Aıym Meıirjanova tórtinshi orynǵa taban tiredi.
- Otandyq taekvondoshylar La-Nýsııada uıymdastyrylǵan G1 Spain Open týrnırinde úsh júlde oljalady. Tarqatyp aıtsaq, Áziret Dúısenbek (54 kg) – altyn, Abdýrahmon Marıpov (74 kg) – kúmis jáne Javovırhon Islamov (58 kg) qola medaldardy moıyndarynda jarqyratty.
- Shaıbaly hokkeıden Andorrada ekinshi dıvızıondaǵy komandalar arasyndaǵy álem birinshiliginde Qazaqstannyń áıelder quramasy eki kezdesý ótkizdi. Alǵashqy týrda jerlesterimiz Meksıkany 4:2 esebimen utsa, odan keıin Taıpeıdi tize búktirdi – 3:0. Aldaǵy kúnderi qyzdarymyz Islandııa, Belgııa jáne Ispanııaǵa qarsy oınaıdy.
- 20 sáýirde Ekaterınbýrgte jalań qolmen judyryqtasýdan dúbirli doda uıymdastyrylady. Sol jarysta qazaq faıteri Asyljan «Saq» Baqytjanuly reseılik Islam «Django» Jagorazovpen aıqasady. Otandyq «Alash Praıd» klýbynyń múshesi osy kúnge deıin 21 ret oktagonǵa shyǵyp, 15 ret jeńiske jetti. Bes ret utylyp, taǵy bir básekede teń esep tirkeldi. Al Reseı sportshysy 21 kezdesýdiń 11-inde basymdyq tanytty.
- Bokstan Qazaqstannyń jastar quramasynyń aǵa jattyqtyrýshysy bolyp Qaırat Sátjanov taǵaıyndaldy. Buǵan deıin de ol uzaq jyldar boıy dál osy qyzmetti atqarǵan. Sol kezderi otandyq bylǵary qolǵap sheberleri halyqaralyq arenada orasan zor tabysqa qol jetkizdi. Keıinnen ulttyq quramasynyń tizginin ustady. Sátjanovtyń jetekshiligimen 2021 jyly Serbııada ótken álem chempıonatynda jerlesterimiz 2 altyn, 2 kúmis, 1 qola medaldy oljalap, jalpykomandalyq esepte ekinshi oryndy ıelendi.
- Grekııa men Lıýksembýrge qarsy ótken sońǵy eki kezdesýdegi sátsizdikterden keıin fýtboldan Qazaqstan quramasy FIFA-nyń jańartylǵan reıtıngindegi jaǵdaıyn nasharlatyp aldy. Jerlesterimiz qazir 103-orynda tur. О́zgelerdi aıtpaǵanda, bizdiń aıaqdop sheberlerimiz kórshiles Tájikstan (99-oryn) men Qyrǵyzstannan (100-oryn) da qalyp qoıdy. О́zbekter – 64-orynda. Al kósh basyndaǵy komandalar – Argentına, Fransııa, Belgııa, Anglııa, Brazılııa, Portýgalııa, Nıderland, Ispanııa, Italııa jáne Horvatııa.
