Jádigerlerdi Qallekıdiń ǵasyrlyq mereıtoıyna oraı uldary – Andabek pen Nádir tapsyrypty. Mýzeı tórinde turǵan kúmis taıaqty jazýshy Muhtar Áýezov rejısser Sháken Aımanovqa bergen. Keıinnen Shákeń bul taıaqty Qalekeńe syılaǵan. Budan bólek, jádigerler qataryndaǵy 1960 jyly Qallekı zeınetke shyqqanda qalamger Sábıt Muqanov ıyǵyna japqan shapan, 1940 jyly Abaı rólin somdaǵanda kıgen taqııa men kúrteshe, ózbek aǵaıyndar tartý etken ala shapan jerlesteri úshin qundy zatqa aınalǵan.
– Bul óńirden elimizge belgili tanymal tulǵalar kóptep shyqqan. Solardyń biri – Qalıbek Qýanyshbaev. Qazir jas urpaq mýzeıge kelip, ár zattyń tarıhyn qyzyǵa tyńdaıdy. Keýdelerin maqtanysh kerneıdi. Qallekı paıdalanǵan kúmis ydys-aıaqtar da bar. Osydan birneshe jyl buryn mýzeıge arnaıy kelgen Halyq ártisi Asanáli Áshimov te Qalekeń týraly estelikterin aıtyp, qýanyp ketken bolatyn, – deıdi Qalıbek Qýanyshbaev atyndaǵy mýzeı qyzmetkeri Jánibek Jantýrın.
Eki qabatty mýzeı aldynda Qalıbek Qýanyshbaevtyń 100 jyldyq mereıtoıyna oraı ashylǵan eńseli eskertkishi tur. Aldyńǵy jyly ǵımaratqa «Jumyspen qamtýdyń jol kartasy» arqyly aǵymdaǵy jóndeý jumystary júrgizildi.
Qaraǵandy oblysy,
Qarqaraly aýdany
