Foto: Ertaı Sarbasov
Búginde Qazaqstanda 25 myńnan astam ǵalym bar. Olardyń 43-i Qostanaı oblysynyń Arqalyq qalasynda jumys isteıdi. О́ńirdegi ǵalymdarynyń orta jasy - 48, olardyń 72%-y - áıelder. Bul týraly Y.Altynsarın atyndaǵy Arqalyq pedagogıkalyq ınstıtýtynyń rektory Erjan Ámirbekuly jelide jazba qaldyrdy.
Arqalyqta jumys isteıtin 43 ǵalymnyń sońǵy 3 jyl ishinde júrgizgen ǵylymı zertteýlerinen 112 mıllıon teńge kóleminde tabys tapty. Bul bir ǵalymnyń úlesi 3 mıllıon teńgege jýyq ekenin bildiredi.
«О́ńir ǵalymdary 3 otandyq jáne 1 halyqaralyq jobaǵa qatysty. Y.Altynsarın atyndaǵy Arqalyq pedagogıkalyq ınstıtýtynyń Arqalyq qalasynyń Jalpy ishki ónimindegi úlesi 0,74%-ǵa jetti. Salystyrmaly túrde, bul jaqsy kórsetkish. Ǵylym jáne joǵary bilim mınıstrliginiń qoldaýymen Arqalyqta ınklıýzıvti bilim berýdi jetildirý tetikterin zertteıtin akademııalyq artyqshylyq ortalyǵyn qurý josparlanyp otyr», dedi Erjan Ámirbekuly.
Jazbasyn qorytyndylaǵan rektor Qazaqstan ǵalymdaryn kásibı merekelerimen quttyqtady.
