Foto: aikyn.kz
«Sý tasqyny kezeńi bastalǵaly 107 119 adam qutqaryldy, onyń 38 457-si balalar. Ýaqytsha ornalastyrý ortalyqtarynda 7414 adam bolsa, onyń 3173-i balalar. 11 674 adam úılerine oraldy. 9,3 mıllıon tekshe metr erigen sý sorylyp, 1,9 mıllıon qap pen 1,2 mıllıon tonna ınertti materıal tóseldi. Avarııalyq-qutqarý jumystaryna 35 339 adam men 4 myńnan astam birlik tehnıka jumyldyryldy», dedi Erasyl Saıpash Ortalyq kommýnıkasııalar qyzmetinde ótken brıfıngte.
Onyń aıtýynsha, osy saǵatta 8 oblysta 4870 jeke turǵyn úı, 1264 aýla aýmaqtary jáne 2035 saıajaı sý astynda qalyp otyr, bul Atyraý, Aqtóbe, Aqmola, Qostanaı, Shyǵys Qazaqstan, Soltústik Qazaqstan oblystary. 3 myńnan astam turǵyn úı men 2 myńǵa jýyq aýla aýmaqtarynan sý buryldy.
Respýblıkanyń 8 oblysynda Aqtóbe, Qostanaı, Batys Qazaqstan, Aqmola, Qaraǵandy, Atyraý, Soltústik Qazaqstan oblystarynda jáne Ulytaý oblystarynda 36 jergilikti tótenshe jaǵdaı tirkeldi.
«Tótenshe jaǵdaılar mınıstrligi azamattardy asa saq bolýǵa, sý tasqyny kezeńinde qaýipsizdik sharalaryn qatań saqtaýǵa, tıisti ruqsatsyz úıleri men evakýasııalaý pýnktterinen shyqpaýǵa shaqyrady», dep eske saldy Erasyl Saıpash.
