Aımaqtar • 15 Sáýir, 2024

Atyraýda tasqyn sýyn qabyldaıtyn oryndar daıyndalyp jatyr

213 ret

kórsetildi

1 mın

oqý úshin

Qazaqstanda sý tasqyny qaýpi áli de seıiler emes. Eldiń 8 óńirinde tótenshe jaǵdaı rejımi saqtalyp tur. Sonyń ishinde Atyraý oblysynda tasqyn sýdy qabyldaý úshin kanaldarda bos oryndar daıyndalyp jatyr, dep jazady Egemen.kz.

Dana MYRZAQADIR

Atyraýda tasqyn sýyn qabyldaıtyn oryndar daıyndalyp jatyr

Foto: vıdeodan alynǵan kadr| Sý resýrstary jáne ırrıgasııa mınıstrligi

«Qazsýshar» mekemesiniń Atyraý oblystyq fılıalyna qarasty 4 kanalda tasqyn sýyn qabyldaý úshin bos oryndar daıyndalyp jatyr. Atap aıtqanda, Sokolok, Saryózek, Baqsaı jáne Naryn kanaldaryna vegetasııa maýsymyna jınalǵan sý Kaspıı teńizine jiberilgen.

Nátıjesinde Sokolok kanaly 2 mln tekshe metr, Saryózek kanaly 3 mln tekshe metr, Baqsaı kanaly 7 mln tekshe metr jáne Naryn kanaly 4,5 mln tekshe metr sý qabyldaýǵa daıyndaldy.

«Budan bólek, «Qazsýshar» mekemesi Saryózek kanalynyń 5 shaqyrymynyń túbin tereńdetý jumystary júrgizildi. Sondaı-aq kanal janynan 50 shaqyrym sý bógeti salynyp jatyr jáne qorǵanysty nyǵaıtý maqsatynda kanaldyń jaǵasy qapshyqtarmen qosymsha 4-5 metrge kóterildi», dep habarlady Sý jáne ırrıgasııa mınıstrliginiń baspasóz qyzmeti.