foto: Almaty qalasynyń ákimdigi
Jartylaı marafon bıyl jetinshi ret ótkiziledi. Qala ákimdiginiń habarlaýynsha, is-sharaǵa baılanysty 21 sáýir kúni saǵat 00:00-den 11:00-ge deıin kólik qozǵalysy jartylaı jabylady.
Saǵat 07:00-de Tuńǵysh Prezıdent saıabaǵynda start beriledi. 21 sáýirde saǵat 00:00-den 11:00-ge deıin ál-Farabı dańǵylynyń soltústik jaǵyndaǵy joldyń Mustafına kóshesinen Naýaı kóshesine deıingi bóliginde kólik qozǵalysy shekteledi, ońtústik jaǵy ashyq bolady.
Ál-Farabı dańǵylynyń soltústik jaǵynda, Mustafına kóshesinen Nazarbaev dańǵylyna deıin saǵat 06:45-ten 09:10-ǵa deıin kólik qozǵalysy shekteledi. Ońtústik jaǵy qozǵalys úshin ashyq bolady.
Seıfýllın dańǵyly jolynyń Ál-Farabı dańǵylynan Abaı dańǵylyna deıingi bóliginde saǵat 07:10-nan 08:30-ǵa deıin kólik qozǵalysy tolyǵymen jabylady.
Abaı dańǵylynyń ońtústik jaǵyndaǵy Saına kóshesinen Baıtursynov kóshesine deıin saǵat 08:10-nan 10:40-qa deıin kólik qozǵalysy shekteledi. Soltústik jaǵy ashyq bolady.
Abaı dańǵylynyń ońtústik jaǵynda, Seıfýllın kóshesinen Baıtursynov kóshesine deıin saǵat 07:20-dan 09:00-ge deıin kólik qozǵalysy shekteledi. Soltústik jaǵy ashyq bolady.
Sana kóshesiniń shyǵys jaǵynda, Ál-Farabı dańǵylynan Abaı dańǵylyna deıin saǵat 08:00-den 09:40-qa deıin kólik qozǵalysy jabylady. Batys jaǵy ashyq bolady.
