Aýyl teatryn qatarǵa qosqan

Aspantaý aıasyndaǵy óner­li otbasynda dú­nıege kelip, bala kúninen teatr­dyń ta­bal­­dyryǵynda erjetip, ulttyq óner­di boıyna sińirip ósken Asqar Naımantaevtyń bul salaǵa sińirgen eńbegi ushan-teńiz. Ata-ana jolyn jalǵap, ónerge adal qyzmet etýdi ózine maqsat etken Asqar Naımantaev Almaty Memle­kettik teatr jáne kórkemsýret ıns­tıtýtyna túsip, halyq ártisteri – Hadısha Bókeeva men Tuńǵyshbaı Jamanqulovtyń sheberhanasynda bilim alyp, M.Áýezov atyndaǵy Qazaq ulttyq akademııalyq drama teatrynda eńbek jolyn bastaıdy. Onda J.Táshenov pen I.Savınniń «Kóshede júrgen pa­qyr­dy, ákim bol dep shaqyrdy» kome­dııa­syndaǵy basty keıipker Nurta­za­nyń rólin beıneledi. Budan ári Sh.Aıt­ma­tovtyń «Ǵasyrdan da uzaq kún», J.Aımaýytulynyń «Aqbilek», M.Maqataevtyń «Qosh, mahab­bat», B.Rımovanyń «Qos muń­lyq», M.Áýezovtiń «Aıman-Shol­pan», «Qarakóz», E.Aman­shaevtyń «Úzil­gen besik jyry», R.Muqa­no­va­­nyń «Máń­gi­lik bala beıne», M.Gap­­pa­rovtyń «Tuz­dy shól» atty spek­takl­derinde úlken­di-kishili bir­­qatar beıneni keme­line keltire keıip­tedi.

Asqar Naımantaev atyndaǵy kishi zaldyń tusaýkeseri

Kórermenniń kózaıymyna aı­nalǵan «Tamasha» oıyn-saýyq ­otaýy men ózi negizin qalaǵan «Teris­qaqpaı» teatry arqyly da tanymal bolǵan satıra sardary keıin kele qazaq kınoónerinde de ózindik izin qaldyrdy.

Osylaısha, ónerdiń jaryq jul­dyzyna aınalǵan Qazaq­stan­nyń eńbek sińirgen qaıratkeri, teatr­ akteri, rejısser Asqar Naı­mantaev ómiriniń sońǵy jyldary aýyl­daǵy jabylyp qalǵan halyq teatr­larynyń qaıta qury­lyp, jan­danýyna kúsh saldy.

Rejısserdiń eren eńbeginiń nátıjesinde 2020 jyly Raıymbek aýdandyq «Han Táńiri» teatry uzaq jyldardan soń kórermenmen qaıta qaýyshty. Kóp uzamaı kelesi kezekte Uıǵyr aýdanyndaǵy «Qaradala» teatry qurylyp, Abaıdyń «Esken­dir» qoıylymynyń premerasymen sahna shymyldyǵyn ashqan bolatyn. Aýyl mádenıetin damytýda aıryqsha mańyzǵa ıe teatr qurýdy myqtap qolǵa alǵan Asqar Naımantaev Eńbekshiqazaq aýdanyna qarasty «Qarakemer» balalar teat­ryn quryp, jas býynnyń rýhanı ósýine, tanymdyq kókjıeginiń keńeıýine dańǵyl jol ashqan óner qaı­rat­keri edi. О́kinishtisi sol, óner­­diń qııa jolynda taımaı, tal­maı qyzmet etken akter, satırık, teatr jáne kıno rejısseri Asqar Naımantaev ótken jyldyń jel­toqsan aıynda 58 jasynda jal­ǵa­n­nyń jaryǵymen qoshtasyp, óner­súıer qaýymnyń qabyrǵasyn qaıystyrdy.

О́zi ólse de sońyna óshpes mura qal­dyrǵan óner sańlaǵynyń esimin el esinde qaldyrý úshin jýyrda Qara­­ke­mer aýylyndaǵy Mádenıet úıiniń kishi zalyna akterdiń esimi berildi.

«Qarakemer balalar teatry kez­deısoq qurylǵan joq. 2014 jyl­dan bas­tap aýyldyń jas jetkin­shek­teri­niń akterlik ónerge áýes­qoı­ly­ǵyn ań­ǵarǵan mádenıet úıiniń qyz­met­ker­leri aýyl jastary úshin drama úıir­mesin ashtyq. Ol úıirmege aýyl­dyń mektep oqýshylary qyzyǵyp kele bastady. Áýelgi ýaqytta máde­nıet úıiniń qyzmetkeri Áıgerim Sún­det­­­baeva úıirmege jetekshi boldy. Is-sh­a­ra­larda ártúrli ıntermedııalyq qo­ıy­lym qoıyp, halyqtyń nazary­na iline bastaǵan jas «ártisterge» shy­ǵar­mashylyq óresi damý úshin kásibı mamannyń mektebinen ótý kerek degen oıǵa keldik. Sóıtip, 2015 jyly Asqar Naımantaev aǵa­myz­­dyń muryndyq bolýymen drama úıir­mesiniń jetkinshekterinen quralǵan trýp­paǵa halyq arasynda «Qara­kemer» balalar teatry degen aıdar taǵyldy. Túrli is-sharaǵa arnal­ǵan qo­ıylymdarymen halyq­­tyń yqy­lasyna bólengen ujym­ǵa Almaty oblysy mádenıet bas­qar­masynyń qoldaýymen 2017 jy­ly 3 shtattyq birlik berilip, «Qara­kemer» balalar teatrynyń irgetasy qa­lan­dy. Búgingi kúni shtattyq bir­lik­ter sa­ny artyp, oǵan kásibı ma­man­dar jumyldyrylyp, ár mere­kede ta­qy­rypqa saı qoıy­lym­dar qoıyp, ha­lyqtyń kóńi­linen shyǵyp ke­ledi», deıdi Má­denıet salasynyń úzdigi, Qa­ra­­kemer aýyldyq Mádenıet úıi­niń dı­rek­tory Araılym Mamyr­bek­qyzy.

Búginde bilikti ustaz baýlyǵan bala­­lar teatrynyń ónerdegi órisi keńe­ıip, óńir mádenıetiniń ósip-ór­ken­­deýine aıshyqty úles qosýda. Jas teatr ujymynyń túrli baıqaýlarda baq synap, top jarǵan jetistikteri de jetip-artylady.

Mádenıet úıinde ótken ıgi is-sharaǵa óner tarlany Asqar Naı­man­taevpen úzeńgiles bolǵan áriptesteri men shákirtteri, týǵan-týystary qatysyp, jyly estelikterdiń tıegin aǵytty.

«Asqardyń negizgi mamandyǵy akter bola tura, kásibı rejıs­serlikti bitirdi. Qoǵamnyń ashy shyndyǵyn mysqyldaı sýrettegen satırık retinde tanyldy. Ol myqty ustaz bola bildi. Talanttardy tanyp, teatrǵa ákeldi. О́zi sııaqty shyndyqqa, ádildikke jany­­ qumar shákirtter tárbıeledi. Ol óte eńbekqor edi. Aýdandardyń arasynda «Jaıaý Musa» atanyp júrip, halqynyń rýhanı ósýine qyzmet etti. Sondyqtan halyqtyq óner barda Asqardyń aty óshpeıdi», deıdi áriptes dosy, kompozıtor Qadyrǵalı Kóbentaı.

Rýhanı keshte aıtysker aqyn Daý­baı Ábdisaı óner maıtal­many­nyń rýhyna jalyndy jyryn arna­sa, akterdiń ápkesi Tursynhan Naı­man­­­taeva baýyryn tebirene eske aldy.

Saltanatty is-shara sońynda jıyl­­ǵan jurt kezinde Asqar Naı­man­taev sahnalaǵan «Arystan pat­sha­nyń esep berýi» atty spektakldi tamashalady.

Almaty oblysy