Senbilikke M. О́skinbaev atyndaǵy Mańǵystaý oblystyq fılarmonııasy qyzmetkerleri men Q.Sydıyqov atyndaǵy Mańǵystaý oblystyq ámbebap kitaphanasynyń ujymy atsalysty.
18 sáýir - Halyqaralyq eskertkishter men tarıhı oryndar kúnine oraı «Taza Qazaqstan» respýblıkalyq aksııasyna óz úlesimizdi qosyp, senbilik ótkizdik. Kóktem mezgili jańarý men jańǵyrý, kúl-qoqystan tazarý maýsymy. Tabıǵatty aıalaıyq. О́ńir kelbetin kórkeıtýge árbir turǵyn atsalysýy kerek, dedi M. О́skinbaev atyndaǵy Mańǵystaý oblystyq fılarmonııasy dırektory Danııar Saǵynǵalıuly.
Sondaı-aq, Q.Sydıyqov atyndaǵy Mańǵystaý oblystyq ámbebap kitaphanasy dırektorynyń orynbasary Yntymaq Bojanov tarıhı oryndardy kútip, saqtaý mańyzy jóninde aıtty.
О́zderińizne málim el aýmaǵynda 25 myńnan tarıhı-mádenı eskertkish bar.Sonyń biregeıi — «Qoshqar ata» qorymyn qoqystardan tazartyp jatyrmyz. Bolashaq urpaq úshin tarıhı oryndardy kútip ustaýǵa basa mán berý kerekpiz. Kóterińki kóńil-kúımen senbilikti ótkerdik, kıeli, tarıhı-tabıǵı oryndardyń qundylyǵyn dáripteýge atsalysyp júrmiz dep oılaımyn, dedi Yntymaq Bojanov.
Aıta óteıik, «Qoshqar ata» qorymy Aqtaý qalasynan 17 shaqyrym qashyqta soltústik-batys baǵytta ornalasqan. Qorym jergilikti mańyzy bar tarıh jáne mádenıet eskertkishteriniń memlekettik tizimine, sondaı-aq Mańǵystaý oblysy boıynsha óńirlik mańyzy bar qasıetti nysandar tizimine engizilgen. Zertteý jumystarynyń nátıjesinde qorymnan 81 eskertkish esepke alynǵan.
