Sosyn 1972 jyly ǵana ashypty. Ashypty da, az-maz sý quıyp, qaıta tyǵyzdap jaýyp tastapty. Bótelkeni kún nury túsetin jerge qoıyp, tyǵynyn múldem ashpaı qoıady. О́simdik 60 jyl boıy ósedi. Zertteýshilerdiń aıtýynsha, tepe-teńdik kúıin jaqsy saqtap, shaǵyn ekojúıege aınalǵan.
Al eń qyzyǵy, 1960 jyly jaı ǵana qyzyǵýshylyqpen egilgen bul tuqym óte úlken zertteýge arqaý bolǵan. Sóıtse, erikkenniń ermegi bolǵan ósimdik NASA-nyń ǵaryshqa egin egý maqsatyn júzege asyratyn daıyn ǵylymı zertteýge ulasqan. Al Latımer qomaqty aqshaǵa kenelgen. Tańǵalasyz.
50 mln turatyn kitap
Qyzyq. «Dúnıedegi eń baǵaly zat – kitap» degendi estip júrmiz. Biraq 50 mln turatyn kitap týraly bilmegen ekenbiz...
Byltyr álemdegi baǵaly zattardy satatyn «Sotheby’s» kompanııasy eń qymbat kitaptardyń birin satylymǵa shyǵarypty. Ol kitap – IX–X ǵasyrlarda jazylǵan, shamamen 1100 jyl bolǵan, evreı tilindegi Sassýn kodeksi. 396 betten turady. Osy kezge deıingi tabylǵan ertedegi Injildiń tolyq nusqasy. Kitap baǵasy bas saýdada 50 mıllıon dollarǵa deıin jetken. Taýyp, jınaqtaǵan – Dáýit Súleımen.
Osyǵan deıingi eń qymbat kitap 43 mıllıon dollar bolǵan. Ol – AQSh-tyń alǵashqy konstıtýsııa kitaby. 13 danamen ǵana shyqqan. Bir danasyn mıllıarder Ken Grıffın 2019 jyly 43,2 mıllıon dollarǵa satyp alǵan eken.
500 myń jyldyq tis
Ulybrıtanııa jaǵajaıynda dala ziliniń eki kılogramdyq tisi tabyldy.
Qazba qaldyqtaryn izdeıtin Ulybrıtanııa turǵyny 500 myń jyldan astam saqtalǵan zil tisin tapty. Bul týraly «New York Post» habarlady. Batys Sasseks okrýginen kelgen 56 jastaǵy Krıs Bıen Klakton-na-Sı mańyndaǵy jaǵajaıda serýendep júrgende, sýdyń janynda tolqyndy órnegi bar oǵash zatty baıqaıdy. Áıel oljany qaza bastaǵanda, tereńde jatqanyn biledi. Jerdi birshama qazǵannan keıin zildiń tisin tapqanyn túsinedi. Áıel tistiń jartysyn ǵana taptym dep boljaǵan. «Men adamdardyń osy qazbanyń tereń jáne baı tarıhy týraly bilgenin qalaımyn», dedi ol.
