foto: UQK
Aqparatqa sáıkes, kúdikti dep tanylǵan tórt Qazaqstan azamaty Almaty qalasynda, Almaty jáne Jambyl oblystarynda ustalǵan. Kúdiktilerdi qamaýǵa alý operasııasyn Ulttyq qaýipsizdik komıteti Ishki ister mınsıtrligimen ózara árekettese, prokýratýra organdarynyń úılestirýimen júzege asyrdy.
«Olar respýblıka aýmaǵynda tyıym salynǵan dinı-ekstremıstik uıymnyń áreketine qatysty jáne uıymdastyrdy degen kúdikke ilindi», delingen UQK aqparatynda.
Turǵylyqty jerleri boıynsha tintý jumystary barysynda tyıym salynǵan dinı ádebıetter men basqa da zattaı dáleldemeler tabylǵan.
Qylmystyq kodekstiń 405-baby boıynsha sotqa deıingi tergeý júrgizilip jatyr.
«Atap ótetin jaıt, ustalǵan adamdardyń ekeýi buǵan deıin osyndaı qylmys jasaǵany úshin sotty bolǵan», delingen habarlamada.
Qazir ustalǵandarǵa qatysty bultartpaý sharasyn qoldaný máselesi sheshilip jatyr.
Qylmystyq-prosestik kodekstiń 201-baby 1-bóligine sáıkes ózge aqparat jarııalanýǵa jatpaıdy.
