2024 jyly qujat qabyldaý rásimi 29 sáýirde bastalyp, 25 qazanda aıaqtalady. Irikteý 10 mamyrdan 30 qarashaǵa deıin júrgiziledi.
«Bolashaq» stıpendııasyna qujattar eGov.kz. portaly arqyly qabyldanady, al «500 ǵalym» taǵylymdamasy boıynsha ótinimder alǵash ret bolashak.gov.kz-tegi «Úmitkerdiń jeke kabıneti» bóliminde onlaın júrgiziledi. Basymdyq ınjenerlik-tehnıkalyq jáne medısınalyq mamandyqtarǵa beriledi, - dep jazylǵan habarlamada.
Bıyl «Bolashaq» baǵdarlamasyna 555 stıpendııa bólindi. Onyń ishinde 395 stıpendııa magıstratýra jáne rezıdentýraǵa, 50 stıpendııa doktorantýraǵa, 110 stıpendııa taǵylymdamadan ótýge bólindi.
Basym mamandyqtar tizbesi ortalyq jáne jergilikti memlekettik organdardyń ótinimi, qysqa merzimdi jáne uzaq merzimdi damý strategııasy men jospary boıynsha qalyptastyryldy.
Sondaı-aq «500 ǵalym» baǵdarlamasy qazaqstandyq ǵalymdarǵa álemniń bedeldi ýnıversıtetterinde biliktiligin arttyrýǵa múmkindik beredi. Jyl saıyn atalǵan baǵdarlamaǵa 500 stıpendııa bólinedi.
Úmitkerlerge qoıylatyn talaptardy, basymdyq beriletin mamandyqtar tizbesin, ýnıversıtetter men ǵylymı ortalyqtardyń tizimin bolashak.gov.kz saıtynan kórýge bolady.
