foto: ashyq derekkózden
Boljamǵa sáıkes, Qazaqstan aýmaǵynyń ońtústik, ońtústik-shyǵys, shyǵys bóligine áli de ońtústik sıklon áser etedi jáne atmosferalyq fronttardyń ótýimen naızaǵaı oınap, jańbyr jaýady, eldiń shyǵysynda túnde qar, kúndiz jaýyn-shashyn (jańbyr, qar), eldiń ońtústik-shyǵysyndaǵy taýly aımaqtarda jaýyn-shashyn (jańbyr, qar) kútiledi, ońtústikte, ońtústik-shyǵysta burshaq, jańbyr, taýly aımaqtarda qatty jaýyn-shashyn (jańbyr, qar) jaýady.
Respýblıka boıynsha jel kúsheıedi, ońtústikte jáne ońtústik-shyǵysta ekpindi jel soǵady. Tek elimizdiń batysy men soltústiginde jaýyn-shashynsyz aýa raıy saqtalady.
«Ulytaý oblysynyń shyǵysynda túnde 2 gradýs aıaz kútiledi», delingen habarlamada.
Mańǵystaý oblysynyń basym bóliginde, ortalyqta, shyǵysta, Qyzylorda oblysynyń batysynda joǵary órt qaýpi saqtalady.
