Jastardy ekologııalyq mádenıetke jáne tabıǵat pen eńbekke jaýapkershilikpen qaraýǵa tárbıeleý maqsatynda ótken is-sharada atalǵan qalanyń Pavlov kóshesi 93/1 jáne 96/5, Lomov kóshesi 154/3, 152/2, 156/2 aýlalaryna aǵash otyrǵyzyldy.
25 sáýirde aýla turǵyndary, qalalyq máslıhat depýtaty Gúlzıra Atabaeva jáne qalanyń belsendi jastary, sonymen qatar JBDO dırektory Rahımjanov Rızat Rýslanuly bastaǵan eriktiler atalǵan mekenjaılar boıynsha aýlalarǵa 40 jas qaıyń otyrǵyzyp, qalaǵa kórik ústedi. Atalǵan «jasyl» ekologııalyq aksııasy ornyqty bolashaq qurýǵa serpin beredi.
Aıta ketsek, «Birgemiz: Taza Alem» jalpyulttyq jobasyn iske asyrý sheńberinde aǵash otyrǵyzý boıynsha ekologııalyq aksııa elimizdiń barlyq óńirlerinde ótip jatyr jáne jastardyń ortaq isti qurýdaǵy jáne nyǵaıtýdaǵy jaýapkershilik pen dostyq sezimin arttyrýdyń kilti bolyp sanalady.
