Elimizde «Taza Qazaqstan» respýblıkalyq ekologııalyq aksııasy ótip jatyr. Bes apta kóleminde ótkiziletin ekologııalyq aptalyqtyń ózindik máni men mazmunyn aıshyqtaıtyn arnaıy taqyryptar bekitilgen.
Tıisinshe, ekologııalyq aksııanyń úshinshi aptasy «Jasyl aımaq» taqyrybyna baǵyttaldy.
Osyǵan oraı, búgin óńirdegi bilim salasynyń qyzmetkerleri qaladaǵy B.Shókenov atyndaǵy saıabaqta aǵashtardyń dińgegin áktep, sol aýmaqty qoqystan tazartty.
Odan bólek, bilim salasynyń qyzmetkerleri ekologııalyq aksııada túrli is-sharalardy ótkizip, erekshe belsendilik tanytty. Atap aıtqanda, saıabaq aýmaǵynda «Karaoke battl», «Baýyrsaq party» uıymdastyrylyp, túrli beınedegi anımatorlar turǵyndarǵa óner kórsetti.
Atalǵan ekoaksııaǵa «Amanat» partııasy Qyzylorda oblystyq fılıalynyń qyzmetkerleri, bilim salasynyń ókilderi, Úkimettik emes uıymdardyń ókilderi qatysyp, bilim salasynyń qyzmetkerlerimen birge tazalyq jumystary men aǵash otyrǵyzý jumystaryna úles qosty.
Aıta keteıik, «Jasyl aımaq» ekologııalyq aptalyǵy aıasynda qala jáne barlyq aýdandarda aǵash kóshetteri otyrǵyzylyp, tazalyq jumystary júrgizilip jatyr.
