Foto: Polisia.kz
Polisia.kz málimetinshe, 16 sáýirde Astana qalasynyń turǵyny Qosshy qalasynyń polısııa bólimine alaıaqtyq faktisi boıynsha aryzdanǵan. Shaǵymdanýshynyń aıtýynsha, bıyl naýryz aıynda WhatsApp messendjeriniń chatynda beıtanys áıel baǵaly ydys pen jıhazdy tómen baǵada satýdy syltaýratyp, onyń 400 myń teńgesin ıemdenip ketken.
Kúdikti jedel-izdestirý sharalarynyń barysynda anyqtaldy. Ol QR QK-niń 190-baby 2-bóligi (Alaıaqtyq) boıynsha buryn jaýapkershilikke tartylǵan Astana qalasynyń turǵyny bolyp shyqty.
«Polısııa bólimi atalǵan fakti boıynsha sotqa deıingi tergeý amaldaryn bastady. Alaıaqtan zardap shekken taǵy 32 adam polısııaǵa júgindi. Zalaldyń jalpy somasy 62 mln teńgeni qurady», delingen habarlamada.
