Qazaqstan shahmat federasııasynyń málimetinshe, 26-28 sáýir aralyǵynda Adrıatıka teńiziniń jaǵasynda ornalasqan Albanııanyń Dýrres qalasynda kadetter arasyndaǵy jyldam shahmattan (rapıd jáne blıs) álem chempıonaty ótti. 40-qa jýyq elden kelgen jas shahmatshylar úsh jas sanatynda baq synasty.
- Bizdiń jas shahmatshylarymyz eń joǵary deńgeıdegi jarqyn jeńistermen qýantýdy jalǵastyrýda. Rapıd pen blısten álem birinshiliginde bir altyndy qosa alǵanda, alty medal jeńip aldy. Bul - eń aldymen jattyqtyrýshylar shtaby, ata-analar men sportshylardyń ózderi jasaǵan úlken jumystyń nátıjesi. Balalar búkil Qazaqstannyń maqtanyshy ǵana emes, sonymen qatar shahmatpen aınalysa bastaǵan júzdegen jáne myńdaǵan qurdastary úshin úlgi, – dep atap ótti Qazaqstan shahmat federasııasynyń prezıdenti Tımýr Turlov.
Jarysta Qazaqstannyń atynan 22 jas sportshy baq synady. Altyn medaldy rapıdte segiz jasqa deıin baq synaǵan Alısha Bısalıeva ıelendi.
