Foto: qaz.ulysmedia.kz
«Qazgıdromet» RMK baspasóz hatshysy Alına Ismagýlova OKQ-da ótken brıfıng barysynda jaqyn kúnderi Qazaqstannyń basym bóliginiń aýa raıyna atmosferalyq frontaldy bólikter áser etetinin, oǵan baılanysty elimizdiń ońtústiginde, ońtústik-shyǵysynda qatty jańbyr jaýatynyn aıtty.
«Respýblıkamyz boıynsha kún raıy buzylady, atap aıtqanda, naızaǵaı oınap, jeldiń kúsheıýi kútiledi. Al ońtústikte, ońtústik-shyǵysta, ortalyqta burshaq túsedi, ońtústikte, ońtústik-shyǵysta daýyl turady, ońtústik-batysta, ońtústikte, batysta shańdy daýyl soǵady, soltústikte tuman bolady dep boljanady. Túnde Soltústik Qazaqstan oblysynda, Aqmola, Qostanaı oblystarynyń batysynda, soltústiginde, Aqtóbe oblysynyń soltústik-batysynda, Pavlodar oblysynyń shyǵysynda, ońtústiginde, Ulytaý oblysynyń soltústiginde 1-6 gradýs úsik júredi», dedi spıker.
Mańǵystaý oblysynyń basym bóliginde, Atyraý oblysynyń ońtústiginde, shyǵysynda, Qyzylorda oblysynyń batysynda, ońtústiginde, ortalyǵynda, Túrkistan oblysynyń soltústiginde, Abaı, Qaraǵandy, Aqtóbe oblystarynyń ońtústiginde órt qaýpi joǵary bolady.
2024 jylǵy 1-2 mamyr aralyǵynda qatty jaýyn-shashyn boljamyna baılanysty Jetisý oblysynyń taý jáne taý etegindegi aımaqtarda betkeılik aǵyndynyń qalyptasýy jáne ózenderde sý deńgeıleriniń kóterilýi kútiledi.
Sondaı-aq Jambyl oblysynyń taýly jáne taý etegindegi aımaqtarynda baýraılyq aǵynnyń qalyptasýy jáne ózenderde sý deńgeıiniń kóterilýi kútiledi.
