1915 jyly 19 jeltoqsanda Peterbýrgte ashylǵan «0,10» atty fýtýrıstıkalyq kórmesine Kazımır Malevıch birneshe sýret daıyndaýy kerek bolǵan. Ýaqyt alqymnan alǵan kezde sýretshi daıyn turǵan týyndysyna kóńili tolmaı, qara boıaýmen boıaı salypty. Mine, osydan kartınanyń túrli tústi boıaýdan shyqqany anyqtaldy. Keıin kórmege kelýshiler dál osy qarapaıym ári jumbaq sýretke erekshe qyzyǵýshylyq tanytqan. О́ıtkeni muny túsingen adamǵa fılosofııalyq formýla ashylady-mys. Iаǵnı álem bir qaraǵanda tegis ári qara ala tústi bolyp kórinedi. Biraq adam ǵalamǵa basqa qyrynan qarasa, onyń túrli tústi ekenin baıqaıdy.
«Toǵyzynshy tolqyn»
Ivan Aıvazovskıı týyndylarynyń negizgi keıipkeri – teńiz. Onyń bul sýretinde de teńizdegi daýyldan keme apatyna ushyraǵan adamdar beınelengen.
Aıvazovskıı teńizdiń kóz toımas sulýlyǵy men jan túrshiktirer qatygezdigin sheber qabystyra bilgen. Tabıǵat apatymen sońǵy demi qalǵansha arpalysqan adamdar taǵdyrynyń tragedııasy bir kórgenniń kóńiline muń uıalatsa da, tereń úńilgenniń kózine úmit sımvoly sanalatyn túrli tústi sáýle ottaı basylady. Bul jumysta sýretshi óziniń 1844 jyly Bıskaı shyǵanaǵynda bolǵan saıahatyn beınelegen. Keıin bul týyndy «Álemniń 100 uly kartınasy» kitabyna endi.
