Foto: Skrınshot
«Elorda kýbogi III» halyqaralyq týrnırinde 71 keli salmaqta synǵa túsken Aman Qonysbaev jekpe-jekti sátti aıaqtady.
Ol Qyrǵyzstan ókili Azat Imanberlini birinshi raýndta 2 ret nokdaýnǵa jiberdi. El boksshysy ekinshi raýndty da jeńispen qorytyndylady. Esep - 4:1. Úshinshi raýndta qyrǵyz boksshysy 3 tóreshiniń basym daýysyn ıelendi.
Jalpy nátıjede otandasymyz Aman Qonysbaev jeńiske jetti.
Endi ol shırek fınaldyq júzdesýlerde japon boksshysyna qarsy rıngke shyǵady. Bul kezdesý 15 mamyrda ótedi dep josparlanyp otyr.
Aıta keteıik, búgin Astanada «Elorda kýbogi III» halyqaralyq týrnıri bastaldy. Baıraqty básekede álemniń 11 elinen kelgen bylǵary qolǵap sheberleri baq synap jatyr.
