Astanada Memleket basshysynyń osy tapsyrmasyn oryndaý aıasynda mınıstr Saıasat Nurbek Lotarıngııa ýnıversıtetiniń (Université de Lorraine, Fransııa) delegasııasymen kezdesti.
Taraptar ýnıversıtetter arasyndaǵy yntymaqtastyqtyń negizgi máselelerin talqylap, Lotarıngııa ýnıversıtetiniń Abai University bazasynda quqyq, pedagogıka jáne memlekettik basqarý salasyndaǵy fılıalyn qurýǵa erekshe nazar aýdardy. Kezdesý barysynda Saıasat Nurbek sheteldik qonaqtarǵa Qazaqstannyń joǵary bilim jáne ǵylym salasyndaǵy, atap aıtqanda sheteldik joǵary oqý oryndarynyń fılıaldaryn ashý jónindegi josparlarymen tanystyrdy, onda sheteldik joǵary oqý oryndarymen strategııalyq áriptestik sheńberinde Qazaqstan tehnıkalyq oqý oryndaryn qurýǵa basymdyq beretinin atap ótti.
«Biz sheteldik seriktesterimiz óz kampýstaryn ashyp, jergilikti ýnıversıtetterdi halyqaralyq ýnıversıtetterge aınaldyrýǵa kómektesý úshin tolyq seriktestikke qol jetkizgimiz keledi», dep atap ótti mınıstr.
Kezdesýde Abai University bazasynda quqyq, pedagogıka jáne memlekettik basqarý salasynda Lotarıngııa ýnıversıtetiniń fılıalyn qurý týraly kelisimge qol qoıyldy. Qol qoıýǵa ýnıversıtet rektory Bolat Tilep jáne Lotarıngııa ýnıversıteti Prezıdentiniń tapsyrmasy boıynsha quqyq, ekonomıka jáne memlekettik basqarý ınstıtýtynyń dırektory Per Tıfın qatysty.
Fransýz ýnıversıtetimen strategııalyq áriptestik sheńberinde pedagogıka, halyqaralyq quqyq jáne memlekettik basqarý salasyndaǵy bakalavrıat pen magıstratýranyń qos dıplomdy baǵdarlamalary, sondaı-aq bilim alýshylardyń akademııalyq utqyrlyǵy, onyń ishinde Erazmýs+, birlesken zertteý jáne bilim berý jobalary sheńberindegi ǵalymdardyń yntymaqtastyǵy, «Abaı-Vern», Bolashaq «500 ǵalym» stıpendııalyq baǵdarlamalaryna qatysý kózdelgen.
