Foto: Dene múmkindikteri shekteýli tulǵalarǵa arnalǵan sporttyq daıarlaý ortylyǵy
«Chempıonattyń fınaly A jáne V toptary arasynda ótti. Jańyl Baltabaeva V tobynda synǵa tústi. Márege birinshi jetken sportshydan 0,38 sekýnd qana qalyp qoıdy. Jarystyń erejesine sáıkes A tobynyń 7 sportshysy jáne V tobynyń 3 sportshysy Parıj-2024 Paralımpıada oıyndaryna joldama alady», dedi Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń komanda basshysy Ersultan Jolshıev.
Jańyl Baltabaeva Paralımpıada oıyndaryna elimizdiń 12-shi lısenzııasyn ıelendi. Buǵan deıin para kanoedan Spataı Bıbarys, para paýerlıftıngten Davıd Degtıarev, para jeńil atletıkadan Dastan Muqashbekov, voleıboldy otyryp oınaýdan ulttyq qurama, para oq atýdan Erkin Ǵabbasov, para júzýden 3 joldama, para taekvondodan Nurlan Dombaev, Kamılıa Dosmalova, Nyshan О́miráliler alǵan edi.
Eske salaıyq, Parıj-2024 Paralımpıada oıyndary 28 tamyzda bastalyp, 8 qyrkúıekke deıin ótedi.
