Foto: Sý resýrstary jáne ırrıgasııa mınıstrligi
Elimizge Reseı Federasııasy aýmaǵynan sý kelip jatyr. Atyraý qalasynda Jaıyq ózeniniń deńgeıi - 553 sm, Atyraý oblysynyń Mahambet aýylynda – 988 sm. Jaıyq ózeniniń deńgeıi odan ári kóteriledi dep boljanyp otyr. «Qazsýshar» mekemesiniń jergilikti fılıalynyń mamandary tasqyn sýyn ótkizý jumysyn jalǵastyryp jatyr.
Batys Qazaqstan oblysynyń tórt iri sý qoımasy 94%-ǵa toldy. Olardyń barlyǵy shtattyq kestege saı jumys istep tur. Aımaqta sý tasqynynyń ekinshi kezeńi ótip jatyr.
Aqmola oblysyndaǵy eki iri sý qoımasy 100%-ǵa toly. Eki nysan da shtattyq kestege saı jumys istep jatyr. О́ńirde sý tasqyny aıaqtaldy. Astananyń qorǵanys bógetinen Esil ózenine táýligine 4,32 mln tekshe metr sý jiberiledi.
Soltústik Qazaqstan oblysyndaǵy 2 iri sý qoımasy 100%-ǵa toly. Esil ózeninde sý tasqynynyń ekinshi kezeńi jalǵasyp jatyr.
Aqtóbe oblysyndaǵy eki iri sý qoımasynyń ortasha sý jınaý kórsetkishi - 95%. Eki nysan da shtattyq kestege saı jumys istep tur. О́ńirde sý tasqyny aıaqtaldy.
Shyǵys Qazaqstan oblysynda eki iri sý qoımasy boıynsha ortasha sý jınaý kórsetkishi - 85,4%. Aımaqta sý tasqyny áli jalǵasyp jatyr.
Abaı oblysyndaǵy Shúlbi sý qoımasy 59,7%-ǵa toldy. Bul aımaqta da sý tasqyny jalǵasyp jatyr. Ertis kaskadynyń barlyq sý qoımalary shtattyq kestege saı jumys istep tur.
Qaraǵandy oblysyndaǵy 3 iri sý qoımasy 99,7%-ǵa toly. Barlyǵy shtattyq keste aıasynda jumys istep jatyr. О́ńirde sý tasqyny aıaqtaldy.
Qostanaı oblysynda eki iri sý qoımasynyń ortasha sý jınaý kórsetkishi - 92%. Eki nysan da shtattyq kestege saı jumys istep tur. О́ńirde sý tasqyny aıaqtaldy.
«Sý qoımalarynda «Qazsýshar» mamandarynyń kezekshiligi jáne sý sharýashylyǵy jaǵdaıynyń monıtorıngi júrgizilip jatyr. Sý qoımalaryna jınalǵan tasqyn sýy aýylsharýashylyǵy men ónerkásipte paıdalaný úshin jiberiledi», deıdi mınıstrlik ókilderi.
