Foto: Ashyq derekkóz
Qaıǵyly oqıǵa 6 mamyr kúni tańǵy saǵat 09:00 shamasynda bolǵan. Marqum «Fılosofııa» mamandyǵynda memlekettik grant negizinde bilim alǵan. Ýnıversıtettiń baspasóz qyzmeti stýdenttiń oqý úlgerimi jaqsy bolǵanyn ári osy ýaqytqa deıin tártiptik eskertý almaǵanyn málimdedi. Sondaı-aq onyń psıhologııalyq qoldaý qyzmetine júginbegeni aıtyldy.
Oqıǵadan keıin áleýmettik jelilerde oqý prosesine qatysty túrli pikirler jarııalandy. Keıbir stýdentter oqytýshylar tarapynan qysym bolatynyn aıtyp, jasyryn túrde shaǵymdanǵan.
«Keıbir muǵalimder sabaq ótýdiń ornyna óz ómirbaıanyn aıtyp ketedi», dep jazdy stýdentterdiń biri.
Taǵy bir stýdent baǵalaý júıesine qatysty narazylyǵyn bildirgen.
«Sabaqqa turaqty qatyssań da, baǵalaý kezinde ádiletsizdikke tap bolasyń. Nege tómen baǵa qoıǵanyn surasań, «túrińdi kóp kórmeppin» dep jaýap beredi», deıdi ol.
Jeli qoldanýshysy Nurym Sultanmurattyń pikirinshe, qaıǵyly jaǵdaıǵa sessııa kezindegi shamadan tys qysym áser etýi múmkin. Onyń aıtýynsha, ásirese orys tili pánine qatysty stýdentterdiń shaǵymy kóbeıgen.
«Aspannan baǵa qoıatyn oqytýshylardyń qajeti joq. Bul jaǵdaıdy «ýnıversıtetke qatysy joq» dep jaba salýǵa bolmaıdy», deıdi taǵy bir stýdent.
Al ýnıversıtet ákimshiligi bul aıyptaýlardy joqqa shyǵaryp, oqıǵaǵa sessııanyń nemese oqytýshylardyń qatysy joq ekenin málimdedi. Ýnıversıtet basshylyǵy marqumnyń otbasyna kóńil aıtyp, qajetti kómek kórsetiletinin jetkizdi.
Pavlodarda 2 stýdent qatarlastarynan aqsha bopsalamaq bolǵan
Qazir oqıǵanyń naqty sebebin anyqtaý úshin quzyrly organdar tergeý júrgizip jatyr.
Asyljan QURMANǴALI
