Ustaz ulaǵaty

Tyń ıgerý jyldarynan beri qaraıǵy kezeńde ult tilinde bilim alýǵa yntaly talaı qazaq balasyna altyn besik bolǵan qara shańyraq – qazirgi Ybyraı Altynsarın atyndaǵy mektep-ınternatqa bıyl 140 jyl tolyp otyr. Bilim ordasynyń Ybyraı saldyrǵan eski ǵımaratyn 1969 jyly qalalyq atqarý komıteti buzdyryp tastaǵan. Mektep ǵımaratynyń buzylýyna qarsy bolǵan qazaq zııalylarynyń basynda Myrzahmet Shaıhın turǵanyn aıta ketý kerek. Biraq qaıratker tulǵanyń ózine aıyp taǵylyp, jańalyqqa umtylysy joq, eski kózqarastyń adamy retinde partııa sógisine iligedi.

Kesh barysynda partııalyq óktemdik beleń alyp turǵan qıyn kezeńde Ybyraı mektebin qyzǵyshtaı qoryp, ult rý­ha­nııa­ty­nyń joqshysy bola bilgen kú­res­ker tulǵa jaıynda kóptegen óne­ge­li estelik aıtyldy.

«Mektepke 1960 jyly ǵana Ybyraı­dyń esimi berildi. Ybyraı esi­mi­niń berilýine aǵartýshy atyndaǵy mektepte uzaqjyldar abyroıly qyzmet etken aıaýly ustaz Myrzahmet Shaıhınniń qosqan úlesi zor. 1961 jyly Qostanaı oblysynda alǵashqylardyń biri bolyp Y.Altynsarın atyndaǵy №1 mektep-ınternat bolyp qaıta quryldy. Tyń kóterý kezinde eski mekteptegi eki qabatty jataǵymyzdy qala basshylyǵy orys mektebine berip jiberdi. Sol solaqaı sheshimge jalǵyz ózi qarsy shyqqan da osy Myrzahmet Shaıhın aǵamyz edi. Ustazymyz qazirgi «Egemen Qazaqstan» gazetine «Ybyraı ashqan mektep nege jabylady?» degen maqala berdi. Gazet redaksııasy da aǵaıdyń pikirin qoldap, qosymsha pikir jarııalaǵan edi. Biraq ne kerek, jergilikti basshylar túrli jeleý taýyp, ustazymyzdy mektepten ketýge májbúr etti. Myrzahmet Jábetuly óz otanyn shyn súıgen abyroıly azamat retinde ónegeli isimen el esinde qaldy. Qazir tarıh, ýaqyt bizdiń paıdamyzǵa sheshilgenine táýba deımin. Súrilip ketken bilim ǵımaratynyń janynda Ybyraı atamyzdyń atynda mektep te bar, munda daryndy balalar bilim alady», deıdi ardager ustaz, Myrzahmet Shaıhınniń shákirti Begen Kópesh.

Daryndy balalarǵa arnalǵan Ybyraı mektebiniń oqýshylary kesh qo­naq­­taryn Myrzahmet Shaıhınniń ómi­­ri men ustazdyq qyzmetine arnalǵan ǵylymı jobalarymen tanystyrdy.

Is-sharadan keıin mýzeı qyz­met­­ker­le­ri men eske alý ke­shi­ne qatysýshylar Myrzahmet Shaıhınniń basyna baryp, arna­ıy quran baǵyshtady.

Qostanaı oblysy