Jasotandyqtar ardagerlerdi ardaqtady

Shyǵys óńiriniń jastary Uly Jeńistiń 70 jyldyǵy qarsańynda ardagerlerdi ardaqtap, qurmet kórsetti. «Nur Otan» partııasynyń Tarbaǵataı aýdandyq fılıalynyń uıym­dastyrýymen ótken aksııa sheń­berinde jas patrıottar qa­rııalardyń úı-jaıyna baryp, tazalaýǵa kómektesti. Erlikti este saqtaý, qurmet tutý – eldiktiń nyshany, ǵasyrlardan beri kele jatqan ulttyq dástúrdiń negizgi tini. Sondyqtan eldiń tynyshtyǵy men halyqtyń bostandyǵy jolynda kúresken erlerdi ardaqtaý – ár urpaqtyń paryzy. Osy oraıda, soǵys jáne eńbek ardagerlerine qamqorlyq kórsetý, urys dalasynda erliktiń eren úlgisin kórsetken ata-babalarǵa maqtanysh sezimin oıatý, erligi men eńbegi úshin aǵa býynǵa jastardyń yqylasyn jetkizý maqsatynda aksııa ótti. «Jas Otan» jastar qanatynyń músheleri men mektep oqýshylary soǵys jáne eńbek ardagerleriniń úılerin tazalaýǵa, aýladaǵy qardy kúreýge, otynyn jaryp, sýyn tasýǵa jumyla kómektesti. «О́zin patrıot sanaıtyn árbir jas adam birin­shi kezekte kómekke muqtaj jandarǵa, onyń ishinde qarttarǵa qol ushyn sozyp júrý­leri kerek. Ardagerler – elimizdiń tiri tarı­hy, shejiresi. Olar bizdiń búgingi jarqyn ke­le­shegimiz úshin maıdan dalasynda qolyna qarý alyp, shaıqasty, qan tókti», – dedi «Nur Otan» par­tııasy Tarbaǵataı aýdandyq fılıaly «Jas Otan» JQ atqarýshy hatshysy Darhan Káribaev. Atalǵan kómek kóptegen soǵys ardager­lerine, tylǵa qatysýshylarǵa, sondaı-aq, ákesiz qalǵan balalardyń anasyna kórsetildi. Mundaı aksııa oblystyń barlyq aýdandarynda júrgizilýde. Dýman ANASh, «Egemen Qazaqstan».  Shyǵys Qazaqstan oblysy.