Qazaqstan – Qytaı astyq forýmy ótedi

Negizgi máseleler aýyl sharýashy­ly­­ǵy­na qatysty boldy. Taraptar kedergi­siz saý­da jolyndaǵy eleýli qadam­dar­dy atap ótti. Birinshi kezekte 2024 jylǵy aq­pan­­da Qazaqstannyń ońtústik-shy­ǵys óńir­le­ri­nen Qytaıǵa et ónimderin eksport­taýǵa qa­tys­ty aýsyl boıynsha shek­teýlerdi alyp tastaý. Bul Qazaqstanǵa QHR-ǵa jo­ǵar­ǵy sapadaǵy mal sharýashylyǵy ónim­derin eksporttaýdy qaıta bastaýǵa múmkindik berdi.

«Qytaılyq bıznesmenderdi Qazaq­standa aýyl sharýashylyǵy ónim­derin óndirý jáne tereń óńdeý, onyń ishinde óndiristik kooperasııa qaǵıdat­tary boıynsha birlesken jobalardy uıymdastyrýǵa shaqyramyz. Biz dándi jáne maıly daqyldardy, et, qus sharýashylyǵy, sút jáne balyq ónimderin, bal, jemshóp jáne basqa da azyq-túlik túrlerin eksporttaýǵa daıynbyz»,  dedi Serik Jumanǵarın QHR delegasııasyna.

Qazaqstannan Qytaıǵa jetkiziletin negizgi daqyldardyń biri – bıdaı. 2023 jyly Qytaıǵa 592 myń tonna, 2024 jyldyń birin­shi toqsanynda 220 myń tonna bıdaı eks­­port­taldy. Sonymen qatar keıingi 5 jyl­­da Qazaqstannan Qytaıǵa ósimdik sha­rýa­­shylyǵy óniminiń eksporty 4,6 esege, atap aıtqanda, 2019 jylǵy 750 myń tonna­dan 2023 jyly 3,5 mln tonnaǵa deıin ulǵaıdy.

Keıingi 5 jylda Qazaqstannan Qytaı­ǵa bıdaıdan basqa da ósimdik sharýashy­lyǵy ónimderiniń eksporty 4,6 esege, 2019 jylǵy 750 myń tonnadan 2023 jyly 3,5 mln tonnaǵa deıin ulǵaıdy.

Dándi daqyldardy jetkizýdegi ynty­maq­tastyqty nyǵaıtý jolyndaǵy eleýli qadam 2024 jylǵy maýsymda QHR-dyń Shyńjań-Uıǵyr avtonomııalyq aýdanynda ótetin alǵashqy Qazaqstan – Qytaı astyq forýmy bolmaq. Oǵan astyq eksporty/ımporty men ony qaıta óńdeý ónimderin retteýge qatysatyn eki eldiń qazaqstandyq jáne qytaılyq bıznesiniń, memlekettik organdary men memlekettik kompanııalarynyń ókilderi qatysady.

Kezdesýde qazaqstandyq tarap aýyl sharýashylyǵy salasyndaǵy yntymaqtastyq boıynsha birlesken kishi komıtet qurýdy usyndy. Bul eki eldiń agroónerkásiptik keshen salasyndaǵy ózara is-qımyl áleýetin neǵurlym tıimdi iske asyrýǵa múmkindik beredi. Sondaı-aq kishi komıtet jumysynyń tıimdiligin qamtamasyz etý maqsatynda Qazaqstannyń aýyl sharýashylyǵy jáne kólik mınıstrlikteri, QTJ, QHR Bas keden basqarmasy jáne Qytaı temir jol ákimshiligi qyzmetkerlerinen turatyn birlesken jumys tobyn qurý usynyldy, ol týyndaǵan máselelerdi jedel jáne dáıekti túrde sheshetin bolady.

Sondaı-aq kezdesý barysynda taraptar kólik jáne logıstıka, elektron­dyq kommersııa, sý únemdeý, mádenı-gýmanıtarlyq qatynastar jáne basqa da salalardaǵy yntymaqtastyq máselelerin talqylady.