Foto: N.Baıbýlın
«Elderimiz arasynda berik saıası dıalog ornady. Ekonomıkalyq jáne mádenı-gýmanıtarlyq baılanystarymyz da jan-jaqty damyp keledi. Túrkııanyń Uly Ulttyq Májilisimen yntymaqtastyqty damytýǵa jáne zańnamalyq baǵytta tájirıbe almasýǵa múddelimiz. Parlamentterdiń quzyretine jatatyn ózekti máselelerdi sheshý jolynda «Qazaqstan-Túrkııa» parlamentaralyq dostyq toptarynyń áleýetin tıimdi paıdalanýdyń mańyzy zor. Saparyńyz parlamentaralyq dıalogty nyǵaıtýǵa jáne elderimiz arasyndaǵy strategııalyq seriktestikti keńeıtýge tyń serpin beredi dep senemiz», degen Máýlen Áshimbaev búgingi kezdesý Qazaqstan men Túrkııa arasyndaǵy Dostyq jáne yntymaqtastyq týraly sharttyń 30 jyldyǵymen qatar kelgenine nazar aýdardy.
Kezdesý barysynda Parlamentaralyq odaq, EQYU PA jáne TúrkPA sheńberindegi ózara baılanystyń perspektıvalary da talqylandy. Sondaı-aq suhbattasýshylar birqatar birlesken joba jóninde pikir almasty. Naqty aıtqanda, saýda-ekonomıkalyq jáne ınvestısııalyq yntymaqtastyqty nyǵaıtý, kólik-logıstıka salasyn damytý jáne basqa da baǵyttaǵy birlesken is-qımyldy arttyrý máseleleri áńgimege arqaý boldy.
Budan bólek, Máýlen Áshimbaev Parlamenttiń Qazaqstan Prezıdentiniń bastamasymen iske asyrylyp jatqan reformalardy zańnamalyq turǵydan qamtamasyz etý baǵytyndaǵy jumysyna toqtaldy. Kezdesýde Álemdik jáne dástúrli dinder lıderleriniń Sezin damytýdyń 2023-2033 jyldarǵa arnalǵan Tujyrymdamasy týraly da aıtyldy.
О́z kezeginde Nýman Kýrtýlmýsh Qazaqstanda qolǵa alynǵan reformalardyń mańyzdylyǵyn atap ótti. Sondaı-aq ol parlamentaralyq yntymaqtastyqty nyǵaıtý jolynda atqarylyp jatqan jumystarǵa jáne rýhanı dıplomatııany damytý baǵytynda Sezd Hatshylyǵy qabyldaǵan sharalarǵa erekshe nazar aýdardy.
