3000 metrge kedergiler arqyly júgirgen Djerýtanyń nátıjesi – 9:22.45 sekýnd. Olımpııa oıyndarynyń lısenzııasyna ıelik etý úshin osy kórsetkish oǵan jetkilikti boldy. Bul – elimizdiń jeńil atletter komandasynyń qorjynyndaǵy ázirge ekinshi joldama. Esterińizde bolsa, osydan bir aı buryn Nıderlandtyń Rotterdam qalasynda uıymdastyrylǵan marafonshylar jarysynyń qorytyndysy boıynsha Janna Mamajanova Parıj Olımpıadasyna qatysýshylardyń tizimine qosyldy.
Al Nora Djerýtonyń ózine keler bolsaq, ol 1995 jyly Kenııada dúnıege keldi. 2016 jyly Afrıka chempıonatynda top jardy. 2017 jyldan beri Noramen birge taǵy eki kenııalyq jelaıaq О́skemende irgetasy qalanǵan «Altaı Atletıks» klýbynyń namysyn qorǵap keledi. 2022 jyly olar Qazaqstan ulttyq quramasy sapyna qabyldandy. Dál sol maýsymda Djerýto AQSh-tyń Iýdjın qalasynda ótken álem chempıonatynda altynnan alqa taqty. Elimizdiń jeńil atletteri buǵan deıin birde-bir ret dál osy dodada jeńis tuǵyrynyń eń bıik satysyna kóterilmegen edi. Sodan keıin ol sábıli boldy. Arada bir jarym jyldaı ótkennen soń Nora Parıj Olımpıadasynyń joldamasyna ıelik etti.
