Atalǵan sport jáne óner mektebiniń dırektory Raýshan Islamǵalıeva ústel tennısimen mektep kezinen beri aınalysyp keledi. 2018-2020 jyldar aralyǵynda Mańǵystaý oblysy boıynsha Qazaqstan ústel tennısi federasııasynyń tóraıymynyń mindetin atqarýshy bolyp jumys istegen.
«Mektep kezinen beri ústel tennısimen aınalysamyn. Ol kezde ústel bolmasa da, tennısti qabyrǵaǵa soǵyp oınaıtynmyn. Basqa salada jumys istegenmen, qaladaǵy ústel tennısin damytqym keldi. Osy maqsatta «mustafa-rim» sport jáne óner mektebin ashtym. Qala turǵyndary men áýesqoı tennısshiler arasynda ústel tennısinen aıyna bir ret tegin Aqtaý qalalyq lıga oıyndaryn bastadym, qala turǵyndaryna arnalǵan birneshe jeńildikter bar», dedi «mustafa-rim» sport jáne óner mektebiniń dırektory Raýshan Islamǵalıeva.
Sport jáne óner mektebinde ústel tennısi, ulttyq bı, zamanaýı jáne fıtnes toby bar. Qazirgi tańda ústel tennısine 30 sportshy qatysady, 5 sportshy sport sheberine úmitker. Zeınetkerler men memlekettik qyzmetkerler úshin de tegin oıyndar qarastyrylǵan.
Mańǵystaý oblysy
