Foto: QR Qorǵanys mınıstrligi
Qazaqstan quramasynyń sapynda Almaty, Qonaev, Jetisý garnızondarynyń quramalary men áskerı bólimderiniń úzdik áskerı qyzmetshileri bar.
EFES-2024 oqý-jattyǵýlary tájirıbe almasý, qatysýshy elder áskerı qyzmetshileriniń birlesken qyzmetin uıymdastyrý, olardyń kásibıligi men shtab ofıserleriniń kartada sheshim qabyldaý daǵdylaryn arttyrý maqsatynda ótkiziledi.
Qazaqstan desantshylary qatysatyn praktıkalyq is-sharalar Izmır qalasynyń mańyndaǵy «Doǵanbeı», «Kartal» polıgondary men «Qyrǵyz» jattyǵý alańynda ótip jatyr.
Manevrler barysynda parashıýtshiler toby Túrkııa Respýblıkasynyń INTUDER jáne fransýzdyq LEGEND-M parashıýt júıelerimen tanysty, sondaı-aq Qazaqstanda paıdalanylatyn INSIDER-300 SF parashıýt júıesin kópultty kontıngentke usyndy.
Atys pozısııasynyń teorııalyq negizderin jáne REMINGTON, Mc MILAN TAC-50, M-110 mergendik myltyqtarynyń taktıkalyq jáne tehnıkalyq sıpattamalaryn zerdelegennen keıin Desanttyq-shabýyldaý áskerleriniń mergendik juby 300 jáne 500 metr qashyqtyqtaǵy nysanaǵa dál tıgize bildi.
Shabýyldaý tobynyń mindetterine 5-7 metr bıiktikten fal boıynsha desant túsirý jáne kópultty kontıngent quramynda terrorıstik topty joıýǵa qatysý kiredi.
Kúndizgi jáne túngi ýaqytta avıa kózdeýshiler quramyndaǵy taktıkalyq top nysanaǵa lazerlik baǵyttaý boıynsha kúndizgi jáne túngi mindetterdi pysyqtaıdy. Al sanıtar nusqaýshylar teńiz desantyn túsirý jónindegi is-sharalarǵa qatysady.
Oqý-jattyǵý basshylyǵy Qazaqstan týymen parashıýtpen sekirgen 35-shi gvardııalyq desanttyq-shabýyldaý brıgadasy 9-rotasynyń serjanty 2-synypty serjant Serik Noǵaevty erekshe atap ótti. Ol 3200 metr bıiktikten jeldiń ekpini sekýndyna 8 metrden asatyn kúrdeli meteorologııalyq jaǵdaıda sekirgen.
EFES-2024 kópultty oqý-jattyǵýlary 30 mamyrǵa deıin jalǵasady. Belsendi kezeńde qazaqstandyq desantshylar oqý-jattyǵý josparyna sáıkes oqý-jaýyngerlik mindetterdi oryndaýy tıis.
