Aldaǵy úsh kúnde respýblıkanyń basym bóliginde qolaısyz aýa raıy saqtalady. Atmosferalyq fronttarǵa baılanysty eldiń barlyq derlik aımaǵynda naızaǵaı oınap, burshaq, jańbyr jaýady, jel soǵady.
24-25 mamyrda soltústik-batysta, soltústikte, 25 mamyrda Qazaqstannyń ortalyǵynda jaýyn-shashyn, sońy qarǵa ulasatyn jańbyr, keıde qatty jaýyn-shashyn kútiledi. Tek keıbir kúnderi batys jáne ońtústik aımaqtarda joǵary qysym áserinen jańbyr basylady.
- Respýblıkanyń batys, soltústik jáne soltústik-batys aımaqtarynda Skandınavııa túbeginen aýysqan joǵary qysymǵa baılanysty túngi jáne tańerteńgi ýaqyttarda 3 gradýsqa deıin aıaz bolady, kúndiz soltústik jáne soltústik-batys aımaqtarda 5-13 temperatýraǵa deıin tómendeıdi dep kútiledi. Sonymen qatar, Qazaqstannyń ońtústiginde, ońtústik-shyǵysynda ońtústik-batys aǵynyna baılanysty temperatýra 20-30 gradýs jylyǵa deıin kóteriledi, - dep jazylǵan habarlamada.
