Foto: Aqorda baspasóz qyzmeti
Kezdesý barysynda Qasym-Jomart Toqaev pen Dılhan Pelleıdi «Samuryq-Qazyna» qory men Temasek kompanııasy arasynda strategııalyq seriktestik ornatý múmkindigin talqylady. Prezıdenttiń aıtýynsha, atalǵan bastama iskerlik baılanystardy keńeıtýge, ekonomıkalyq ósimdi yntalandyrýǵa yqpal etedi. Memleket basshysy Qazaqstan tarapynyń Temasek kompanııasymen tyǵyz seriktestik jasaýǵa múddeli ekenin aıtty. Qasym-Jomart Toqaev sıngapýrlyq kompanııany Qazaqstan ekonomıkasynyń túrli salasynda birlesken ınvestısııalyq jobalardy júzege asyrý isine belsendi atsalysýǵa shaqyrdy.
Dılhan Pılleı kólik jáne logıstıka salalary boıynsha bizdiń elmen aradaǵy yntymaqtastyq perspektıvasyna joǵary baǵa berdi. Qazirgi ýaqytta sıngapýrlyq kompanııa Qazaqstan ekonomıkasyna qatysý múmkindikterin zerdelep jatyr.
Budan bólek, kezdesýde birlesken ınvestısııalyq qor qurý, sondaı-aq sıfrlandyrý, elektrondy kommersııa jáne jańartylatyn energııa kózderi salalaryndaǵy yqpaldastyq máseleleri qarastyryldy.
Temasek – Sıngapýrdyń 1974 jyly qurylǵan eń iri ınvestısııalyq kompanııalarynyń biri. Álemniń 9 elinde kompanııanyń 13 ókildigi bar.
