Foto: qaz-media.kz
Meteorologtardyń málimetinshe, 25, 26 jáne 27 mamyrda Qazaqstan terrıtorııasynda soltústik sıklon áseri baıqalady. Iаǵnı, atalǵan sıklon áserinen jaýǵan jańbyrdyń sońy qarǵa ulasýy yqtımal. Sondaı-aq burshaq jaýyp, jel ekpindi soǵyp, jaýyn-shashyn boljanǵan.
25-27 mamyr aralyǵynda eldiń soltústigindegi oblystarda, 25-26 mamyrda ortalyq jáne ońtústik-shyǵys oblystarda, 26 mamyrda shyǵysta qatty jaýyn-shashyn (jańbyr, qar), respýblıkanyń soltústik-batys oblystarynda nóser jańbyr kútiledi.
Demek Respýblıkanyń joǵaryda atalǵan aýmaǵynda 25 mamyr «Sońǵy qońyraý» kúni qolaısyz aýa raıy boljanyp otyr.
Al Skandınavııa aımaqtarynan keletin aýqymdy antısıklon respýblıkanyń batysynda ashyq aýa raıynyń saqtalýyna yqpal etedi.
«Alda kele jatqan sýyq aýa massalary 25 mamyrda batysta, soltústik-batysta, soltústikte, 26 mamyrda ortalyqta, 27 mamyrda shyǵysta, ońtústik-shyǵysta, 26-27 mamyrda túnde jáne tańerteń 3 gradýsqa deıin aıaz bolady. Sýyq aýa massasy Qazaqstannyń ońtústigindegi taýly aımaqtarda seziledi», delingen «Qazgıdromet» RMK habarlamasynda.
