Foto: TJM
О́tken táýlikte Soltústik Qazaqstan oblysynyń Petropavl qalasynda qalǵan sý basqan aýla aýmaqtarynan sý sorý jumystary jalǵasyp jatyr. 104 870 tekshe metr sý soryldy.
«Atyraý oblysy Jylyoı aýdanynyń Qulsary qalasynda, Inder aýdanynyń Inderbor kentinde, Mahambet aýdanynyń Jalǵansaı aýylynda sý basqan aýmaqtardan 137 823 tekshe metr sý soryldy. Jaıyq ózeniniń sý deńgeıine monıtorıng júrgizilýde. Jaıyq ózeni sý deńgeıiniń kóterilýine baılanysty Atyraý qalasynda bógetterdi nyǵaıtý jumystary jalǵasyp jatyr», delingen habarlamada.
Aqtóbe oblysy Yrǵyz aýdanynyń Quılys jáne Jaısańbaı aýyldarynda 3 300 qapshyq tóseldi. Bógetterdi nyǵaıtý jumystary jalǵasyp jatyr.
Aqmola oblysy Selınograd aýdanynyń Qoıandy aýylynda uzaq ýaqyt jaýǵan jańbyrdyń saldarynan eki jeke turǵyn úı men 20 aýla aýmaǵyn sý basty. О́tken táýlikte 5 620 tekshe metr sý soryldy. Úılerden sýdyń baǵyty buryldy.
Batys Qazaqstan oblysynyń Oral qalasynda qýatty jyljymaly sorǵy stansııalarynyń kómegimen saıajaı úılerinen erigen qar sýyn sorý jumystary táýlik boıy júrgizilip jatyr. О́tken táýlikte 175 320 tekshe metr sý soryldy.
«Respýblıka boıynsha evakýasııalanǵan 61 966 adam óz úılerine oraldy. 5 316 adam ýaqytsha ornalasý pýnktterinde qaldy. 25,5 mln artyq erigen qar sýy sý soryldy, 8 mln artyq qapshyq jáne 1,5 mln tonna ınertti materıal tóseldi», dep habarlady vedomstvo.
Avarııalyq-qutqarý jáne sý tasqynyna qarsy jumystarǵa 4 237 adam, 659 tehnıka, 249 sý sorý quraly jáne 56 júzý quraly, 4 áýe kemesi jumyldyryldy.
Jalpy TJM radıasııalyq, hımııalyq jáne bıologııalyq qorǵaý bólimsheleri Soltústik Qazaqstan oblysynyń 16 eldi mekeninde 854 jeke turǵyn úı men aýla aýmaǵyna, Atyraý oblysynyń Qulsary qalasynda 300 myńǵa jýyq sharshy metr aýmaqqa dezınfeksııa júrgizdi.
