Oblys ortalyǵynyń Sahalın kentinde sý qubyry jáne káriz jelileriniń qurylysy júrip jatyr. Jumys aıaqtalǵannan keıin 1 100-den astam turǵyn ortalyq sý jáne káriz júıesine qosylady.
Jumysshylar mamyr aıynyń ortasynda Sahalınde jeliler qurylysyn bastap ketti. Jospar boıynsha shamamen 9 shaqyrym sý qubyrlary jáne shamamen 4,5 shaqyrym káriz qubyrlary salynady.
«Sahalın kentinde sý qubyry jáne káriz jelilerin salý jobasy halyqtyń taza aýyz sýǵa qol jetkizýi jónindegi óńirlik baǵdarlamalardy oryndaý sheńberinde iske asyrylyp jatyr. Qazir merdiger belsendi jumys istep júr. Shamamen 1,5 km sýmen jabdyqtaý qubyrlary jáne 300 metr káriz jabdyqtalǵan. Jumystar bir mezgilde eki baǵytta júrgizilip jatyr. Jobany bıyl aıaqtaýdy josparlap otyrmyz. Sodan keıin mindetti túrde asfalttaý jumystaryn júrgizemiz», deıdi qalalyq TKSh jolaýshylar kóligi jáne avtomobıl joldary bólimi basshysynyń orynbasary Janbolat Toqmurzın.
Merdigerdiń aıtýynsha, materıaldar men jumys kúshine qatysty másele týyndap otyrǵan joq.
Saran zaýytynan jergilikti óndirýshilerdiń qubyrlary men temirbeton saqınalary qoldanylady. Jańa jelilerge tórt kósheniń turǵyndary qosyla alady: Telman, Kommýnıstik, Lıneınaıa jáne Lıtvın. Bul shamamen 400 úı. Qurylys keleshekti eskere otyryp júrgizilip jatyr, bolashaqta qosymsha abonentterdi qosýǵa múmkindik týady.
Aıta keteıik, búginde Qaraǵandy oblysynda turǵyndardyń 99,2 paıyzy ortalyq sý júıesine qosylǵan. Aýyz sýmen qamtamasyz etý máselesin bılik basyndaǵylar 2025 jyldyń sońyna deıin tolyǵymen jabýdy kózdep otyr.
Qaraǵandy oblysy
