Foto: Vıdeoskrın. TJ jónindegi jedel shtab
Atyraý oblysynyń TJ jónindegi jedel shtaby málim etkendeı, búginde 1209 turǵynnyń esepshotyna tólemaqy aýdaryldy. Onyń 451-i jóndeý-qalpyna keltirý jumystaryn júrgizý úshin, 758-i turǵyn úı satyp alý nemese úı qurylysyn salý úshin tólemaqy aldy.
«Komıssııa sheshimimen úıimiz buzylatyn boldy, habarlama kelgen soń qarajat erteńinde aýdaryldy, oǵan úı satyp alǵymyz keledi. Bıyl salynǵanyna 10 jyl bolǵan úıimiz sýǵa ketkende aıaq-qoldy alyp júretin múmkindik bolǵan joq. Qujattarymyzdy ǵana túgendep ala aldyq. Bolashaqta barlyǵy qalpyna keledi dep úmittenemiz. Buzylǵan úıdiń orny óz ıeligimizde qalatyn boldy. Sý tasqyny bolyp jatqanda Mańǵystaýdaǵy týysymyzdyń úıinde otbasymyzben ýaqytsha turdyq», deıdi zeınetker Darıǵa Aǵysova.
Úıi buzylatyndardyń qataryndaǵy Erbolat Tańqıevtiń aıtýynsha, úıi men avtogarajyn túgeldeı sý basqan.
«Eń aldymen zalalsyzdandyrý jumystaryna ótinish berdik. Úıdiń qabyrǵasy jarylyp, sýdyń áserinen eden kóterilip ketti. Baǵalaýshylar men tehnıkalyq zertteý mamandary da úıdiń jaǵdaıyn kórdi. Múlikti baǵalaýshylar da keldi. Sodan soń komıssııanyń sheshimimen úıimizdiń buzylatyndyǵy týraly habarlama aldyq. Úıdi buzýǵa 45 kún merzim beriledi eken, sondyqtan úıdi buzý jumystaryna kirisip kettim», dedi E.Tańqıev.
