Fotolar: Almaty qalasy ákimdigi
Iý.Gagarın atyndaǵy dańǵyldyń bir bóligi Ermek Serkebaevtyń esimimen atalsa, Iýbıleınaıa kóshesi Vladımır Tolokonnıkov kóshesi bolyp ózgertildi.
Al, Bostandyq jáne Túrksib aýdandaryndaǵy ataýy joq kóshelerge Eskendir Hasanǵalıev pen Iýrıı Pomeransev esimi berildi.
E.Serkebaev – Qazaqstannyń halyq artısi, Abaı atyndaǵy Qazaq memlekettik akademııalyq opera jáne balet teatrynyń solısi, V.Tolokonnıkov – Qazaqstannyń eńbek sińirgen artısi, Almatydaǵy orys drama teatrynyń akteri. E.Hasanǵalıev pen Iý.Pomeransev – halyq artısi atanǵan talantty jandar.
Osyǵan deıin atalǵan sheshimniń jobasy respýblıkalyq onomastıka komıssııasynyń qaraýyna jiberilip, qaýly «Ashyq NQA» portalynda 28 mamyrǵa deıin talqylanǵan edi.
