Foto: tengrinews.kz
Aqtóbe oblysy ákiminiń baspasóz qyzmeti sý tasqyny saldaryn joıý jumystary qalaı júrgizilip jatqanyn baıandady. Sý tasqyny kezinde barlyǵy 4084 úı zardap shekti. Onyń 1 457-si jeke úıler bolsa, qalǵany saıajaı alqabyndaǵy turǵyn úıler. Qazir sý tasqyny aıaqtalǵan aýdandar men qalada turǵyn úılerdi tehnıkalyq tekserý aıaqtaldy. Nátıjesinde 652 turǵyn úı salý jáne 309 úıdi satyp alý kelisildi. Salynyp jatqan barlyq úıler bir tıpti, aýdany 80 sharshy metr. Oǵan qosa 3 123 úı kúrdeli jóndeýden ótetini belgili boldy.
«Sý tasqynynyń saldaryn joıýǵa jergilikti bıýdjetten 7,8 mlrd teńge bólý qarastyryldy. Turǵyn úı máselesimen qatar 136 shaqyrym joldy, 15 kópirdi, 23 áleýmettik nysandy jóndeý qajet. Sondyqtan qarastyrylǵan bıýdjetpen qatar iri kompanııalar men memleket qorlary qoldaý bildirip, turǵyn úı qurylysy júrgizilip jatyr. Olar: «Bolat О́temuratov qory», «Qazaqstan halqy» qory, «BI Group» jáne «ERG» qorlary. «Bolat О́temuratov» qorynyń demeýshiligimen Áıteke bı, Úıil, Qobda, Temir jáne Muǵaljar aýdandarynda 64 úı satyp alyndy. Sonymen qatar bul qor Alǵyn, Mártók, Baıǵanın aýdandarynan taǵy 11 úı satyp almaq. Bul aımaqtarda tótenshe jaǵdaı jarııalanǵan joq, biraq sý tasqyny kezinde birneshe úı jaramsyz bolyp qaldy. Oblysqa BI Group kompanııasy 2 mlrd teńge, «Qazaqstan halqyna» qory 1,5 mlrd teńge bóldi. Bul qarajatqa úıler salyndy», delingen ákimdik habarlamasynda.
Aıta keteıik, oblys boıynsha barlyǵy 2 904 adam 100 AEK kóleminde bir rettik tólem aldy. Bul 939,2 mln teńgeni quraıdy. Sý tasqyny kezinde jumysy toqtap qalǵan shaǵyn jáne orta bıznes sýbektileriniń shyǵyny shamamen 3 mıllıard teńgeni quraıdy.
Qyrmyzy JUMAǴALIQYZY,
EUÝ stýdenti
