Foto: astana.citypass.kz
Bir qyzyǵy, reıtıngte Almaty 260-shy, Astana 289-shy, Shymkent 482-orynǵa jaıǵasty.
Almaty qalasy Doha (Katar), Krakov (Polsha), Býenos-Aıres (Argentına), Shanhaı (QHR), Máskeý (Reseı), t.b. sııaqty dúnıe júzine áıgili jáne iri qalalardy basyp ozdy.
Elordamyz Almatydan 29 orynnan keıin jaıǵasqanymen, Leıpsıg (Germanııa), Afıny (Grekııa), Florensııa (Italııa), Ankara (Túrkııa), Rıga (Latvııa), Mekke (Saýd Arabııasy), Delı (Úndistan) qalalarynan ozyp tústi.
Shymkent óz kezeginde Djakarta (Indonezııa), Úrimshi (QHR), Rabat (Marokko), Pretorııa (Ońtústik Afrıka), Gavana (Kýba), Mınsk (Belarýs), Qazan (Reseı) qalalaryn artta qaldyrdy.
Joba avtorlary qalalardy qandaı krıterııler boıynsha baǵalady? Olar: ekonomıka, adam kapıtaly, ómir súrý sapasy, qorshaǵan orta jáne basqarý. Olardyń árqaısysy birqatar kórsetkishterdi qamtıdy, máselen: ekonomıkalyq jáne saıası turaqtylyq, bilim deńgeıi men turǵyndardyń jas erekshelikteri, ınternetke qoljetimdilik, mádenı nysandardyń sany, aýa sapasy, aýa raıynyń aýytqýlary. Nátıjesinde barlyǵy 27 kórsetkish bar.
Mysaly, «qorshaǵan orta» kategorııasy aýanyń tazalyǵy, temperatýra aýytqýlary, jaýyn-shashyn, zııandy shyǵaryndylardyń qarqyndylyǵy, tabıǵı apattar sııaqty kórsetkishterden turady. Adamı kapıtal kórsetkishine bilim deńgeıi, halyq sanynyń ósýi, ýnıversıtetter, azamattardyń jas erekshelikteri, halyqaralyq kompanııalardyń shtab-páteri sııaqty faktorlar áser etedi.
Elimizdiń qalalary baǵalanǵan krıterııler boıynsha:
- Almaty: ekonomıka – 1000-nan 338-shi orynda, adam kapıtaly – 55-shi, ómir súrý sapasy – 313-shi orynda, ekologııa – 721-shi orynda, basqarý – 605-shi orynda.
- Astana: ekonomıka – 1000 orynnan 258 oryn, adam kapıtaly – 115, ómir súrý sapasy – 356, ekologııa – 571, basqarý – 605 orynda.
- Shymkent: ekonomıka – 1000-nan 566, adam kapıtaly – 264, ómir súrý sapasy – 523, ekologııa – 806, memlekettik basqarý – 605 oryndy ıelendi.
Qyrmyzy JUMAǴALIQYZY,
EUÝ stýdenti
