Foto: Senat
Máýlen Áshimbaev Memleket basshysy Akademııanyń jumysyn jandandyrý úshin naqty mindetter júktegenin aıtyp, ony birlesip iske asyrý kerektigin tilge tıek etti. Sondaı-aq ol bul rette Ǵylym akademııasynyń derbestigin qamtamasyz etý asa mańyzdy ekenin atap ótti.
«Ulttyq ǵylym akademııasy – derbes uıym. Ol mınıstrliktiń bir departamenti bolmaýy kerek. Akademııa ǵylymǵa, memlekettiń bolashaǵy men ekonomıkasyna qatysty oılar ashyq aıtylatyn, túrli pikirtalastar bolatyn jer. Sondyqtan atalǵan uıymdy álemdegi standarttarǵa saı damytamyz desek, onyń derbestigin qamtamasyz etýimiz kerek. Akademııanyń zańda kórsetilgen quzyretterimen mártebesi bolýǵa tıis. Sol sebepti tıisti quqyqtyq bazany ári qaraı da damytý qajet dep esepteımiz», dedi Senat Spıkeri.
