Foto: Aqorda baspasóz qyzmeti
Kezdesý barysynda ekologııalyq mádenıetti qalyptastyrý jáne qorshaǵan orta problemalaryn sheshý isine azamattardy, úkimettik emes uıymdar men bıznesti keńinen tartý máseleleri talqylandy.
Qasym-Jomart Toqaev Evgenıı Muhamedjanovtyń bastamasymen júzege asyrylyp jatqan ECO Network jobasyn oń baǵalady. Memleket basshysy, eń aldymen, adamnyń mádenıetin, onyń qorshaǵan ortamen qarym-qatynasyn qalyptastyrýdy, sondaı-aq turmystyq qaldyqtardy bólek suryptaý jáne qaıta óńdeýdi kózdeıtin «Ekohab», «Jasyl keńse», «Jasyl mektep» baǵyttary ekomádenıetti dáripteýdiń tıimdi tetigi retinde jappaı taratýǵa laıyq tájirıbe ekenin atap ótti.
Evgenıı Muhamedjanovtyń aıtýynsha, qazirdiń ózinde ECO Network jobasyna Qazaqstan boıynsha júzdegen kompanııa men oqý oryndary qosylǵan. Olar bıznes prosesterine ekostandarttardy engizip, ekonomıkany dekarbonızasııalaý úderisine eleýli úles qosyp jatyr.
Prezıdent ekologtyń bastamalary jalpyulttyq «Taza Qazaqstan» ekologııalyq aksııasynyń ıdeologııasymen úndes ekenine nazar aýdardy.
Sonymen qatar Qasym-Jomart Toqaev Evgenıı Muhamedjanovtyń «Jasyl Almaty» jobalyq keńsesiniń jetekshisi retinde shahardyń ekologııalyq máselelerin sheshýdiń tıimdi ári kreatıvti tásilderin júzege asyratynyna senim bildirdi.
