Foto: Aqorda baspasóz qyzmeti
Prezıdent óz sózinde otandyq ǵylym salasyn ilgeritý úshin bilikti mamandar, úzdik ǵalymdar, ınjenerler men ónertapqyshtar qajet ekenin aıtty.
«Shıkizatqa arqa súıep otyrǵan el alysqa barmaıdy. Bizge ǵalymdar, ınjenerler, ónertapqyshtar qajet. Mamandarymyz álemdik básekege tótep bere alatyndaı bilimdi, bilikti bolýy kerek. Búginde alpaýyt elderdiń arasynda barlyq salada baqtalastyq órship tur. Biz osy kúrdeli kezeńde ekonomıkanyń jańa úlgisine kóshe bastadyq. Ádil, ınklıýzıvti ári básekege qabiletti ekonomıka qurýǵa kiristik. Ǵylym men ınnovasııa onyń basty tiregi bolýǵa tıis», dedi Qasym-Jomart Toqaev.
Memleket basshysynyń aıtýynsha, qazir «Ǵylym jáne tehnologııalyq saıasat týraly» zań jobasy Parlamentte qaralyp jatyr. Bul – óte mańyzdy ári kópten kútken qujat.
«Biz kóshke ilesetin emes, kóshti bastaıtyn elderdiń qatarynda bolýymyz kerek. Bir sózben, ǵylymı áleýetimizdi arttyrý qajet. Jalpy, osy baǵytta biraz sharýa atqarylyp jatyr. Men Ǵylym jáne tehnologııalar jónindegi ulttyq keńestiń otyrysynda birqatar naqty tapsyrma berdim. Barlyq másele meniń tikeleı baqylaýymda. Qazir «Ǵylym jáne tehnologııalyq saıasat týraly» zań jobasy Parlamentte qaralyp jatyr. Keshe Senat ony birinshi oqylymda maquldady. Bul – óte mańyzdy ári kópten kútken qujat. Ǵylymdy basqarý júıesin jetildirý kerek. Ǵalymdarǵa áleýmettik qoldaý kórsetý máselesi de óte mańyzdy. Sondyqtan Zańda ǵylymı qaýymdastyqtyń múddesi barynsha eskeriledi», dep túıindedi Prezıdent.
