Foto:Kazanfirst
Elordanyń Saryarqa aýdanynda B.Soqpaqbaev kóshesi, 21 mekenjaıy boıynsha ashylǵan jármeńkege Aqmola, Túrkistan oblystary men Abaı oblysynyń Aýyl sharýashylyǵy salasyndaǵy jeke kásipkerler qatysyp jatyr.
«Kásipkerler kókónis, jemis-jıdek, sút, azyq-túlik jáne et ónimderin qosa alǵanda, taýarlardyń alýan túrin usynyp otyr», deıdi Astana qalalyq Investısııa jáne kásipkerlikti damytý basqarmasynyń azyq-túlik qaýipsizdigi jónindegi mamany Nurdáýlet Qosman.
Qala turǵyndary áli jańa mekenjaıǵa úırenbegenine qaramastan, jármeńkege birtindep kelip, kúndelikti qoldanatyn taǵamdaryn satyp alyp jatyr.
«Ádette mundaı jármeńkeler ortalyqqa jaqyn ashylatyn. Qazir bizdiń aýdannan uıymdastyrylyp, tabıǵı taza ónimderdi jaqyn jerden satyp alý múmkindigi týyp tur. Qııardyń kelisi 450 teńge, qyzanaq 500 teńgeden eken, bizdegi áleýmettik bazarlardyń ózinde budan qymbattaý. Qaımaq jáne shujyqtary da sondaı tómen baǵada, ózim sol ónimderdi úıde kóp paıdalanatyn bolǵandyqtan, arzan baǵamen kópteý etip aldym. Birtindep bul jerge bári úırenisip keter degen oıdamyn», deıdi qala turǵyny Maıgúl Janseıitova.
Qyrmyzy JUMAǴALIQYZY,
EUÝ stýdenti
