Bul is-shara 2018 jyly Qazaqstan Úkimeti bastaǵan úsh tildi bilim berý bastamasyna qoldaý kórsetýge baǵyttalǵan. Keıingi jyldary AQSh dıplomatııalyq ókildigi aǵylshyn tilindegi baǵdarlamalardyń keń aýqymyn usynyp keledi. Sonyń ishinde «Fulbright» baǵdarlamasy jemisti jumys istep jatyr. Máselen, bıylǵy oqý jylynda da elimizdiń ýnıversıtetterinde aǵylshyn tilin oqytatyn «15 Fulbright ETA» men «7 ELF» jobasyna qatysqan stýdentterdiń qatary kóp. Joǵary oqý oryndaryndaǵy stýdentterge aǵylshyn tilin oqytý men damytýǵa tikeleı úles qosýdy kózdeıtin jobaǵa bıyl amerıkalyq 22 oqytýshy qatysqan. Olar stýdentterge til úıretip qana qoımaı, elimizde bir jylǵa jýyq ýaqytta jergilikti halyqtyń turmys-tirshiligimen tanysýǵa múmkindik aldy.
О́tken aptada osy baǵdarlamaǵa qatysqan 80 stýdent pen oqytýshy AQSh elshiligi uıymdastyrǵan úsh kúndik jarysta baq synady. Pikirtalas jeke, kásibı jáne jahandyq máseleler taqyryptaryn qamtydy. Olardyń debattyq jarysyna Qazaqstandaǵy AQSh elshisi Denıel Rozenblıým tórelik etip, jeńimpazdardy marapattaý rásimine qatysty.
«Pikirtalasqa eldiń túkpir-túkpirindegi 19 ýnıversıtettiń stýdenti qatysyp jatyr. Olar berilgen taqyryp boıynsha jospar quryp, aǵylshyn tilinde oı-pikirin erkin ári naqty dálelmen jetkize bilýge tıis. Sondaı-aq aıtylyp otyrǵan taqyrypqa qatysty bir-birin tolyqtyrý tapsyryldy. Aıta ketý kerek, bul baǵdarlama orta mektepterde de jumys istedi. Amerıkalyq oqytýshylar on aı boıy osy elge kelip, oqýshylar men stýdentterge, muǵalimderge aǵylshyn tilinen sabaq berdi», deıdi elshi. Onyń aıtýynsha, baǵdarlama aldaǵy ýaqytta da jalǵasady. Sondaı-aq joba qatysýshylary arasyndaǵy baıqaýdyń qorytyndysyn shyǵarý úshin pikirsaıysty turaqty ótkizý de kózdelip otyr. Bul jolǵy jarysta Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń stýdentteri top jardy.
