foto: gov.kz
Kelisim 2023 jylǵy 27 qarashada Astanada jasalǵan. Qujat memleket basshylarynyń Qytaı men Qazaqstanda teńdestirilgen negizde mádenı ortalyqtar qurý týraly kelisimi aıasynda ázirlendi.
«О́zderińiz biletindeı, Prezıdenttiń Qytaımen dostyq pen áriptestikke negizdelgen saıasatynyń aıasynda qazir birqatar úlken bastama kóterilip otyr. Sonyń biri - Astana men Beıjińde ózara Mádenı ortalyqtar ashý týraly sheshim. Osy oraıda Qazaqstannyń Qytaıdaǵy mádenı ortalyǵy tarıhymyzda alǵash ret ultymyzdy aspan asty eline keńinen tanytýdyń, eki el arasyndaǵy rýhanı baılanysty jańa deńgeıge kóterýdiń, ózara halyqaralyq mádenı-gýmanıtarlyq jobalardy iske asyrýdyń iri ári tolyqqandy oshaǵyna aınaldyrý kózdelip otyr», dedi Mádenıet jáne aqparat mınıstri Aıda Balaeva Májilistiń jalpy otyrysynda.
Qazir mınıstrlik tarapynan ortalyqtyń konsepsııasy jasalyp, mazmuny aıqyndalǵan.
Dálirek aıtqanda mádenı ortalyqta kıno kórsetilimderi men konserttik qoıylymdarǵa arnalǵan kópfýnksıonaldy zal, bilim berý kýrstary, trenıngter, shyǵarmashylyq kezdesýler ótkizetin arnaıy keńistigi bar kovorkıng ortalyǵy, kórme ótkizýge qolaıly ekspozısııalyq mýltımedııalyq alańsha, elimizdiń týrıstik áleýetin kórsetetin arnaıy týrızm buryshy ornalasady.
Mádenı ortalyq jiberýshi tarap akkredıttegen jáne qabyldaýshy memlekettiń zańnamasyna sáıkes isteıtin kommersııalyq emes uıym retinde jumys isteıdi.
