Aqsaqaldar keńesiniń tóraǵasy Nurmurat Ermanov qaralyp otyrǵan máseleniń mańyzyna toqtalyp, óz-ózine qol jumsaý jóninen Qyzylorda elimizde 6-orynda turǵanyn atap ótti. Jyl basynan beri kámeletke tolmaǵandar arasynda osyndaı 5 oqıǵa bolǵan. Túrli sebep túrtki bolyp, janyn qııatyn jasóspirimder týraly oblystyq bilim basqarmasy basshysynyń orynbasary Baǵdat Berdáýletov te aıtty.
«Ár oqıǵany jumysshy top zerttep, taldaý nátıjesinde 4 jaǵdaı psıhologııalyq, 1 jaǵdaı áleýmettik máseleden týyndaǵany belgili boldy. Psıhologııalyq qoldaý tobyna alynǵan 346 balaǵa mektep psıhologimen qatar densaýlyq saqtaý salasynyń mamandary da kómek kórsetedi», dedi.
Kún tártibindegi máselege qatysty pikir bildirgen jergilikti polısııa qyzmetkeri Erkebulan Januzaqov ta jasóspirimder arasynda óz-ózine qol jumsaý faktileri tyıylmaı kele jatqanyna toqtaldy.
«Jyl saıyn sýısıdtiń aldyn alý maqsatynda profılaktıkalyq is-sharalar uıymdastyrylyp keledi. Jastar men jasóspirimder arasyndaǵy sýısıd sebepterin izdeý jaqyn týystary men ata-analary úshin jeńil tımeıdi. Bıyl 5 jaǵdaıǵa baılanysty Qylmystyq kodekstiń 5-babymen sotqa deıingi tergep-tekserý júrgizildi. О́zine qol jumsap, qaıtys bolǵandardyń tórteýi orta mekteptiń oqýshylary, bireýi – kolledj stýdenti», dedi polıseı.
Oblystyq densaýlyq saqtaý basqarmasynyń bólim basshysy Mıra Myrzahanovanyń aıtýynsha, ótken jyly osyndaı 8 oqıǵa bolypty. Osy baǵytta polısııa departamentimen birikken mobıldi top sýısıdke barǵan azamattarmen jas ereksheligine qaramaı tyǵyz jumys isteıdi.
«Olardyń kóbi – otbasylyq, densaýlyq jaǵdaılaryna baılanysty óz-ózine qol jumsaýǵa áreket jasaǵandar. Bul turǵyda basqarma tarapynan arnaıy mamandar psıhologııalyq jaǵynan qoldaý kórsetip keledi. Oblystyq Jastar densaýlyq ortalyǵyndaǵy jedel jeli telefony táýlik boıy jumys isteıdi. Ortalyq birinshi toqsanda 15 298 qyzmet kórsetip, emdeý-saýyqtyrý, keńes berý bólimine 5442 adam keldi», dedi ol.
Otyrysta Aqsaqaldar keńesiniń músheleri baıandamashylarǵa suraq qoıyp, óz usynystaryn ortaǵa saldy.
QYZYLORDA
