«Turǵyn úı qurylys jınaq banki»

Astanada «ashyq esik» kúnin ótkizdi «Qazaqstannyń turǵyn úı qurylys jınaq banki» Astanada «ashyq esik» kúnin ótkizdi. Merekelik sharaǵa bank tutynýshylary men salymshylary, buqaralyq aqparat quraldarynyń jáne banktiń birqatar seriktes kompanııalarynyń ókilderi qatysty. Bankke kelýshilerdi bul kúni qyzmetkerler flesh-mob qoıy­lymmen qarsy aldy. Olar bank qyzmeti týraly óleń joldarymen úılestirilgen mýzykamen bılep tańǵaldyrsa, endi biri qazaqy rýhtaǵy patrıottyq ándi naqyshyna keltire oryndap tamsandyrdy. Árıne, merekelik kóńil kúı syılaǵan dýmandy sharanyń qyzýymen júrip, bank keńesshileri kelýshilerge qyzmet kórsetýdi de umyt qaldyrǵan joq. Máselen, tıimdi nesıemen baspanaly bolǵysy kelgenderge, memlekettik baǵdarlamamen úı alýǵa talaptanǵandarǵa, páter alýdy aldaǵy ýaqytqa josparlap aqsha jınaǵandarǵa «Turǵyn úı qurylys jınaq banki» qyzmeti taptyrmas múmkindik ekenin kelýshilerge túsindirdi. Sondaı-aq, bank basshylary sharaǵa shaqyrylǵan jýrnalıstermen suhbattasyp, banktiń artyqshylyqtary jáne bolashaqqa josparlarymen bólisti. «Ashyq esik kúni» bank qyzmeti men tutynýshy arasyndaǵy baılanysty keńeıte túsý úshin jasa­lyp otyrǵan mańyzdy qadam­dardyń biri. Jalpy, Bank tarapy­nan kúndelikti, dástúrli sharalar atqarylyp jatady. Mysaly, onyń qatarynda tutynýshylarǵa kúndelikti sarynmen qyzmet kórsetý bar. Iаǵnı, keńsede qabyl­daý, ınternettegi saıtymyz nemese e-gov-portaly arqyly halyqty tartý, saýda ortalyqtarynda ornalasqan termınaldar arqyly qyzmetimizdi qoljetimdi etý taǵy basqalardy aıtsaq bolady. Al búgingideı arnaıy «ashyq esik kúnderin» ótkizý biz úshin de, bank qyzmetin tutynýshylar úshin de aıryqsha mańyzy bar merekelik, tanymdyq-túsindirmelik shara dep bilemiz. Bul kúni banktiń barlyq júrgizilip jatqan is-sharalary halyqqa keńinen túsindirilip, aqparat keńinen taraıdy, tipti, bank qyzmetin tutynýshylardyń kez kelgen suraqtaryna basshy­lyqtardan da jaýap alýǵa múm­kindik bar. Bizben pikirlesip, bank qyzmetimen tanysqysy kelgenderge bul kúni esigimiz aıqara ashyq», dedi «Qazaqstannyń turǵyn úı qurylys jınaq banki» AQ basqarýshy dırektory Erulan Jamaýbaev. Sondaı-aq, ol qazirgi kúni bank qyzmetin tutynýshylar sany 500 myńǵa jýyqtaǵanyn atap ótti. Ásirese, bıylǵy jyldyń basynan beri sanaǵanda, bank qyzmetin tutynýshylar sany úsh esege artqan. «Buǵan birneshe sebepter áser etip otyr dep oılaımyz. Birinshiden, bizdiń jalpy keshendi túrde jasap jatqan is-sharalarymyzdyń biri halyqqa tarıfterdi tómendetý, 2013 jyldan beri tarıfterimiz 30 paıyzǵa deıin aýyrtpalyǵyn azaıtty. Oǵan qosa, 300 nómirli anyqtama ortalyǵyn ashtyq. Kez kelgen adam habarlasyp bizdiń bank týraly búkil aqparatty bilýine múmkindigi bar. «Qazaqstannyń turǵyn úı qurylys jınaq banki» AQ óz qyzmeti men onyń sapasyn udaıy jetildirip otyrady. Aıta ketetin jaıt, memleket Turǵyn úı qurylys jınaq banki salymshylarynyń depozıtterine syılyqaqy tólep, turǵyn úı qurylys jınaq júıe­sine qarjylyq qoldaý kórsetedi. Sonymen qatar, saıtymyz da qazir jańartyldy. Ol jerde kez kelgen adam jeke kabınet ashyp, «Turǵyn úı qurylys jınaq bankine» salymshy bola alady. Memlekettik baǵdarlamalarǵa tikeleı onlaın túrde tapsyrys berip, sol jerde tirkeý nómirine ıe bolady. Buǵan qosa, bizde 750-ge jýyq konsýltant-keńesshi jumys isteıdi. Olardyń kóbi banktiń tikeleı qyzmetkerleri emes, biz­ben kelisimshart jasasqandar. Olardyń báriniń anyqtamalyq telefondary barlyq fılıaldarda ilýli tur, kez kelgenimen baılanysyp, keńes alýǵa bolady», dedi E.Jamaýbaev. Bylaıǵy kúni de adam qarasy úzile qoımaıtyn bankte bul kúni kelýshiler qatary tipti, kóp boldy. Ásirese, bank qyzmetine kóńili tolǵan tutynýshylar men salymshylar ashyq esik kúni bolatynynan aldyn ala qulaǵdar bolsa kerek, eshbir sharýasy bolmasa da arnaıy atbasyn buryp, bank qyzmetkerlerine alǵysyn aıtyp, izgi nıetterin bildirip jatty. Olardyń qatarynda tanymal telejúrgizýshi Dınara Sátjan da bar. «Búgingi sharaǵa qatysqanyma óte qýanyshtymyn. Banktiń tıimdi qyzmetteri men jeńildikteri týraly kóp estidim. Qazir ózim de osy «Turǵyn úı qurylys jınaq bankiniń» salymshysymyn. Árbir adam jaıly baspanaǵa qaltasyna tıimdi, yńǵaıly baǵada qol jetkizýdi armandaıdy, osyndaı armandardyń oryndalýyna qol ushyn berip, halyqtyń baspanaǵa degen qajettiligin utymdy jolmen qamtamasyz etip otyrǵan bankke rahmet aıtamyz. Bankke az mólsherdegi aldyn ala tólem qarajatyn salyp, páter alýǵa jetetin arzan nesıe alýǵa bolady. Men osyny paıdalanyp, aldaǵy ýaqytta bank seriktesteriniń biri «BI Group» kompanııasynyń úılerinen páter alamyn», dedi D.Sátjan. Bank ujymy da óz kezeginde tutynýshylaryna qurmet kór­setýden kende bolǵan joq. Astana qalasyndaǵy ortalyq fılıaldyń dırektory Aıjan Turaqbaıqyzy banktiń turaqty klıentteri men senimdi seriktesterin «Alǵys hatpen» marapattap, syılyqtar tabys etti. «Turǵyn úı qurylys jınaq banki» Qazaqstandaǵy bas­pana alýǵa arnalǵan eń júıeli, qoljetimdi júıe. Búgingi kúni bizge senim bildirip, baspana alýǵa nıet tanytqan klıentterimizdiń qatary kóp. Búgingi sharada bizben árdaıym birlese jumys atqaryp kele jatqan seriktesterimiz ben klıentterimizdi kórgenimizge qýanyshtymyz», dedi quttyqtaý sózinde A.Turaqbaeva. «Qazaqstannyń turǵyn úı qurylys jınaq banki» – elimizdegi turǵyn úı qurylys jınaq júıesin júzege asyratyn birden-bir bank. Negizinen turǵyn úı qurylys jınaq júıesi salymshylardyń aqshasyn turǵyn úı qurylys depozıtterine tartý jáne olarǵa turǵyn úı zaemdaryn berý arqy­ly halyqtyń turǵyn úı jaǵ­daıyn jaqsartýǵa baǵyttalǵan. Málimetterge súıensek, júıe jumys isteı bastaǵannan beri 2015 jyldyń 1 sáýirdegi jaǵdaı boıynsha bank jalpy somasy 1 544,0 mlrd. teńge bolatyn 710 799 TQJ shartyn jasaǵan, salymshylar jınaǵy 268,0 mlrd. teńgeni qurap, 345,0 mlrd. teńge somasynda 83 186 zaem berilgen. Aıtpaqshy, shara barysynda málim bolǵandaı, búgingi kúni banktiń Astana qalalyq fılıalynyń ortalyq keńsesinde ár jetinshi kelisimshart, ár besinshi zaım jasalady eken. Al mundaı ashyq esik kúnderinen soń salymshylar qatary odan ári artaryna senim mol. Dınara BITIKOVA, «Egemen Qazaqstan».