Kúni keshe partııanyń 12 myń múshesi men «Jastar rýhy» jastar qanatynyń belsendileri kóshe tazalaýǵa shyqty. Áýeli partııa músheleri ózen jaǵalaýlaryn, orman alqaptaryn, óndiristik aımaqtarmen qosa jol boıyndaǵy aýmaqtardy qamtıtyn 475 ýchaskeni aıqyndady. Mysaly, Astanada partııa músheleri zańsyz qoqys alańyna aınalǵan qaraýsyz ýchaskeni retke keltirdi.
«Amanat» partııasynyń atqarýshy hatshysy Daýlet Káribektiń aıtýynsha, «Taza beısenbi» partııalyq jobasy ekologııalyq mádenıet pen azamattardyń qorshaǵan ortaǵa degen sanaly kózqarasyn qalyptastyrýdy kózdeıdi.
«Memleket basshysy Qasym-Jomart Toqaev «Taza Qazaqstan» jalpyulttyq naýqanyn bastaı otyryp, bul bir rettik aksııa emes ekenin erekshe atap ótti. Árbir úı, aýla, turǵyn úı kesheni, saıabaq jáne basqa da nysandar nazardan tys qalmaýǵa tıis. «Amanat» partııasynyń músheleri atalǵan naýqanǵa alǵashqy kúnnen-aq belsendi qatysty. «Jastar Rýhy» jastar qanatynyń shamamen 4 myńǵa jýyq volonteri sý tasqynynan zardap shekken jandardyń baspanasyn retke keltirýge kómektesti. Endi ár apta saıyn el aýmaǵynda túrli ýchaskelerde qoqys jınaý jumysyn uıymdastyramyz. Osy maqsatta lastanǵan aýmaqtardyń kartasy ázirlendi. El azamattary, óskeleń urpaq tabıǵı ónim tutynyp, taza aýamen demalyp, sapaly sý ishkenin qalasaq, ekologııalyq sana men mádenıetti qazirden qalyptastyrýymyz kerek. Ony eń aldymen ózimizden bastaǵan jón. Sondyqtan qorshaǵan ortaǵa beıjaı qaramaıtyn barsha otandasymyzdy «Taza beısenbi» aksııasyna ún qosýǵa shaqyramyz», dedi D.Káribek.
Is-shara tek qoqys jınaýmen shektelmeıdi. Ár ýchaskege máslıhat depýtattary, belsendiler jáne bastaýysh partııa uıymdarynyń basshylary bekitiledi. Olar sol ýchaskede turaqty túrde tártip pen tazalyqty qamtamasyz etýmen qatar, qoqys jáshikterin ornatý, aýmaqtardy kógaldandyrý, joldar men jaıaý júrginshiler jolyn jóndeý sekildi abattandyrý jáne ınfraqurylymdy damytý máselelerin retteıdi. Beısenbide qala tazalyǵyna aralasýǵa shyqqan turǵyndardyń qatarynda elordadaǵy bastaýysh partııa uıymynyń belsendisi Dınara Maratqyzy da boldy.
«Taza memleket – bul tek únemi tazalanatyn emes, qoqys tastamaıtyn, tazalyq saqtaıtyn el degen sóz. Bul meniń elim, meniń qalam. Men balalarym men nemerelerimniń taza qorshaǵan ortada ósip, taza aýamen dem alyp, taza sý ishkenin qalaımyn», deıdi D.Maratqyzy.
Osy tusta «Taza Qazaqstan» jalpyulttyq aksııasy aıasynda amanattyqtardyń 5 baǵyt boıynsha jumys bastaǵanyn da aıta ketkenimiz jón bolar. Partııa músheleri birinshi kezekte ekologııa salasyna qatysty zań shyǵarýdy kózdeıdi. Ekinshiden, óńirlerde lastanǵan aýmaqtardyń kartasyn jasaı otyryp, «Taza beısenbi» ekologııalyq aksııasyn uıymdastyrýdy qolǵa aldy. Budan ózge, alda «Astana – Almaty» tas jol boıyndaǵy aýmaqty tazartýǵa arnalǵan «Taza Qazaqstan» road-estafetasyn uıymdastyrý, tarıhı, mádenı jáne tabıǵı murany vandalızmnen qorǵaýǵa arnalǵan qoǵamdyq naýqan jáne jasyl volonterlik – ekologııalyq volonterler qozǵalysyn qurý mindeti tur.
Este bolsa, sý tasqynynyń qaýipti kezeńi aıaqtalǵannan keıin «Amanat» partııasynyń 4 myńǵa jýyq belsendisi men «Jastar rýhy» jastar qanatynyń volonterleri qarǵyn sýdan zardap shekken turǵyndardyń baspanasyn retke keltirýge kómektesken edi. Al qazir elimizdiń barlyq óńirindegi barsha partııalyqtar saıabaqtardy, skverlerdi, aýlalardy tazartyp, tarıhı-mádenı jáne tabıǵı eskertkishterdiń kórigin keltirýge kiristi. Amanattyqtar munymen shektelmeı, senbilikke shyǵyp, aǵash otyrǵyzýǵa jáne ózge de is-sharalardy tyndyrýǵa nıetti. Negizi «Amanat» partııasynyń saılaýaldy baǵdarlamasynda qamtylǵan mańyzdy basymdyqtyń ishinde ekologııalyq máselelerdi sheshý jaıy qamtylǵan. Saılaýaldy ýádelerdi júıeli iske asyrýdy oılaǵan partııalyqtar byltyr memlekettik orman qory aýmaǵyna 302,7 mln túp aǵash egýge úles qosty. Sol sekildi 39 iri ónerkásiptik kásiporynda aýanyń lastaýyn baqylaıtyn avtomattandyrylǵan júıe ornatýǵa septesken. Munymen shektelmeı, partııa 2027 jylǵa qaraı saılaýaldy baǵdarlamasy aıasynda turmystyq qatty qaldyqtardy qaıta óńdeý jáne kádege jaratý úlesin 36%-ǵa deıin ulǵaıtýdy kózdeıdi. Osyǵan qosa Jaıyq ózeniniń ekojúıesin qalpyna keltirý, Balqash kóline turaqty sý aǵynyn qamtamasyz etý, aýa sapasynyń ındeksin engizý, lastanǵan eldi mekende kásiporynnyń aýany lastaý normatıvterin 40%-ǵa deıin tómendetý máselesi josparda tur eken. Jumys istep turǵan 16 sý qoımasyn qaıta jańartý jáne jańadan 14 sý qoımasyn salý da kún tártibinen túspeıtin sharýa.
